1 Makronika 19:9 - Bhiblia Yo Sawuleka

⁹ Se mbimo yile vanana va ka Amoni va nga huma, va to ya fola ha txikeni ka didhoropa; aniko vafumeli vale va nga ta, va to ta ema ngu didhawa ka thembweni.

1 Makronika 19:9 Referans Kwoze

Joyeli 2:5

Ku nga diguwa da sikotxikani titshokani ka mimango, va na ndaka-ndaka; nga diguwa da kutura ka mndilo, wu wu txhokomisako txihya va fana ni vathu va mtamo ngutu, va nga lulamiselwa kuya kulwani.

Jeremiya 50:42

Va na teka wulaho ni mkuni; vona mba txixinya, kha va pfeli wusiwana, dipswi dawe di na dhinda nga linene, va na gadha mahantxhi ku nga wamwamna wu a zivako ti taku aya kulwani, kuya kuwukela, awe mwanana wa Bhabhilona.

Isaya 28:6

Kambe ku nava ni moya wa wululamo, ka wule a khalahatshako e lamula, ni mtamo ka vale va tshumetako yimbi ngu msana, kala ha txikeni.

2 Makronika 14:10

Sekoko Asa nene a to huma ni yimbi yakwe, ku yalwa libalani ka Zefata hafuhi ni Maresa.

2 Makronika 13:3

Abhiya a to sawula 400.000 wa vathu e va ruma kuya yimbini, i ti mtxawa wa vavamna vo txhariha ngutu kolwa; Jerobhowamu e longisa 800.000 wa vavamna a nga ti ti va sawute, vavamna va tindena.

1 Vafumeli 20:24

Sekoko maha tiya: Thavisa vafumeli vale va Akabe va magumi mararu ni vambidi ka makhalo awe, u veka kona vathangeli va yimbi.

1 Vafumeli 20:1

Se Bheni-Hadhadhe, mfumeli wa Siriya, a to sengeleta yotshe mitamo yakwe kumweko ni magumi mararu ni vambidi a vafumeli, ni mahantxhi, ni sikotxikani si a nga ti naso; se a to kwelela e randela Samariya e mlwisa.

2 Samuwele 18:4

Sekoko Dhavhidha a to vagela ku khene: Ni na maha ti mi ti wonako i di tinene kwanu. Se mfumeli a to ema ngu didhawani ka txike, kambe votshe vathu va to huma ngu mitxawa ya mazana ni ya magumi a mazana.

2 Samuwele 10:8

Se vanana va ka Amoni va to huma veya fola ha txikeni ka nyumba, kambe Vasiriya va Zobha ni Reyobhe, ni vavamna va Tobhe ni va Mahaka, va ti ngu didhawa ka thembweni.

1 Samuwele 17:2

Kambe Sawule ni vavamna va ka Israyeli va to sengeletana, veya gova ka mkova wa Mkusuni, se ve ti lulamisela kulwa ni Vafilista.

1 Makronika 19:8

Se ngako Dhavhidha a di ti pfite, a to ruma Jowabhi ni dotshe dibutho da yimbi da vavamna va mtamo ngutu.

1 Makronika 19:10

Mbimo yi Jowabhi a nga wona to yimbi yita ngu masoni ni msana, a to sawula hagari ka vale va nga sawulwa va ka Israyeli, e va folisa kasiku va txi lwa ni Vasiriya;