1 Makronika 19:4 - Bhiblia Yo Sawuleka

⁴ Ngu kumaha keto, Hanumi a to teka sithumi sa Dhavhidha, e si kuyula misisi, a txi vharulela syambalo sa sona ngu hagari kala minengeni, e si tovela.

1 Makronika 19:4 Referans Kwoze

Marku 12:4

A to engeta e ruma tximwani txithumi kwawe. Aniko nene va to mu balisela msungo, va txi mu wisa tingana.

Jeremiya 48:37

Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Jeremiya 41:5

kutota vavamna va Sikemi, Silo, ni Samariya; mtxhanu wa magumi ni mararu a vavamna, na va ti yote siletu sawe, syambalo sawe si ti bhandeletwe ni kuwilelwa; manzani kwawe va ti ni siningo sa sakudya ni sa mphaxo, kasi kuya ningela Nyumbani ka Mkoma.

Isaya 20:4

ngu kumaha keto, mfumeli wa Asiriya, a na teka va va nga ñolelwa ditikoni ka Egipta ni Etiyopiya, majaha ni vo kumba, a txi va yisa wukhumbini, va na tsula i di simbwiri, va sa ambala txilo mikondoni, va sa ti pambiyeta txilo, njikombiso txa tingana ka Egipta.

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

Masalmo 35:12

Va ni tshumetete wunene ngu wubihi, ni sala ni si nga ni tangu.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

Levhi 19:27

Mi nga ti yoleni ngu kurendelekisa magwito ka misisi, kambe mi nga ti yoleni madhawani ka txiletu.

1 Makronika 19:3

vathangeli va vanana va ka Amoni, va to kha vona ka Hanumi: Ina u alakanya ti to Dhavhidha wo xonipha tate wako, aku a nga kurumela vathaveleli kani? Ina sithumi sakwe kha si teli ku ta viya ni kuwonisisa ditiko kani?

1 Makronika 19:5

Se va to tsula veya gela Dhavhidha mhaka ya vathu vava; aniko ene a to rumela vo va hingeta, nguko vavamna vale va ti ha tinganani ka hombe. Sekoko mfumeli a to khene: Zumbani kona kheyo Jeriko kala kuza maletu anu me kula; sekoko mi na wuya.