1 Makronika 19:2 - Bhiblia Yo Sawuleka

² Sekoko Dhavhidha a to khene: Ni na mahela wumbilu Hanumi, mwana Nahasi, nguko tate wakwe a ni mahete wumbilu. Ngu kumaha keto, Dhavhidha a to rumela sithumi so ya mthavelela, ngu mhaka ya tate wakwe. Se ngako sithumi sa Dhavhidha si di tile ditikoni ka vanana va ka Amomi, ka Hanumi, ku ta mthavelela,

1 Makronika 19:2 Referans Kwoze

1 Samuwele 30:26

Se mbimo yile Dhavhidha a nga hoka Zikilage, a to rumela sile so handwa ka madhota a ka Judha, i ku vangana vakwe, a txi khene: Dikatonyana diya danu, da sile hi nga ya handa ka valala va Mkoma:

Ekleziyaste 9:15

Se ka dona ku ti ti ni txhari yimweyo ya txisiwana, yile yi nga hulukisa didhoropa dile, ngu wutxhari wa yona, kambe ku si nga ni wammweyo a nga ti ngadi e txi alakanya txisiwana txile.

Esteri 6:3

Sekoko mfumeli a to khene: A mahetwe txani Mordhekayi txo mtxhatxhazela ni ku m'bonga ngu mthumo wuwa kani? Se vafana va mfumeli, i ku sithumi sakwe, va to kha vona: Kha mahelwa txilo ni txatximweto.

Nehemiya 13:1

Ka ditshiku dile, ku to gondwa mu ka dibhuku da Mosi, tinzeveni ka vathu; se ka dona ku to maneka taku, va ka Amoni ni va ka Mowabhi, va nga swe ve wulela ka msengeletano wa Txizimu,

Nehemiya 4:7

Se mbimo yile Sambalati, ni Tobhiya, ni Vaarabhi, ni va ka Amoni, ni va ka Asidhodhe va nga tiengisa taku mthumo wo longisa maguma a Jerusalema wu ya masoni, va to henya ngutu.

Nehemiya 4:3

Tobhiya, Muamoni a ti kumweko ni Sambalati, se a txi khene: Hambi ku va akako, kambe ku txo pinda nyampwe ngu txitimwi ka dona, a na khundumusa diguma dawe do hambwa ngu marigwi.

2 Vafumeli 4:13

Nguko Elixa a to khene ka Gehazi: Mu wotise ku khawe: Wona taku u hi amukete ngu nzila ya yinene; nji txani txo hi nga ku mahela kani? Ta dingana ku hi womba to kari ngu ngawe ka mfumeli mwendo ka mthangeli wa dibutho kani? Se awule wamsikati a to khene: Ani ni zumba hagari ka vakakwathu.

2 Samuwele 9:7

Se Dhavhidha a to khene kwakwe: U nga thave, nguko ni lava ku ku mahela wuxinji ngu mhaka ya kuranda Jonatani, tate wako. Kambe ni na kutshumetela otshe mapulo a tate wako Sawule, awe u na dyela mezani kwangu masiku otshe.

2 Samuwele 9:1

Se Dhavhidha a to khene: Ina ku ni m'thu a nga sala ka nyumba ya ka Sawule, kasi ku ni mmahela wuxinji, ngu mhaka ya kuranda Jonatani kani?

Johani 11:19

Vajudha vavangi va tile ka Marta ni Mariya, kasi kuya va thavelela, ngu mhaka ya kufa ka ndiyawe.

1 Makronika 19:1

Se ku to maheka taku, msana keto, Nahasi mfumeli wa vanana va ka Amoni, efa, se mwanana wakwe, a to fuma ka wukhalo wakwe.

1 Makronika 19:3

vathangeli va vanana va ka Amoni, va to kha vona ka Hanumi: Ina u alakanya ti to Dhavhidha wo xonipha tate wako, aku a nga kurumela vathaveleli kani? Ina sithumi sakwe kha si teli ku ta viya ni kuwonisisa ditiko kani?