1 Makronika 19:18 - Bhiblia Yo Sawuleka

¹⁸ Kambe Vasiriya va to tutuma masoni ka va ka Israyeli, se ka Vasiriya Dhavhidha a to daya 7.000 wa mahantxhi o ndinda sikotxikani, ni 40.000 wa vavamna vo tsimbila ngu mikondo; e daya ni Sofaki, mthangeli wa dibutho da yimbi.

1 Makronika 19:18 Referans Kwoze

2 Samuwele 10:18

Kambe Vasiriya va to tutuma masoni ka va ka Israyeli, se Dhavhidha a to daya 700 wa tsimbitisi va sikotxikani ni 40.000 wa vavamna va vagadhi va mahantxhi; e daya ni Sobhaki, mthangeli wa dibutho da yimbi e fela koneho.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Masalmo 18:32

Txizimu ngu txona txi ni mahako wa mtamo ngu txona txi mahako nzila yangu yi va yo hetiseka.

1 Makronika 19:17

Mbimo yi Dhavhidha a nga ziviswa, a to sengeleta votshe va ka Israyeli, e txhatuka Jordhani, e xoma yimbi yo va wukela; ngako Dhavhidha a di xomile yimbi yo wukela Vasiriya, va to lwa nayo.

1 Makronika 19:19

Se si di ti woni koko, sithumi sa Hadhadhezeri taku si xutwe masoni ka va ka Israyeli, si to kombela kudikha ka Dhavhidha, si mthumela; se Vasiriya kha va swa kambe ve lamulela vanana va ka Amoni.