1 Makronika 19:13 - Bhiblia Yo Sawuleka

¹³ Tsana, a hi tsaneni hi lwela vathu vathu, ni madhoropa a Txizimu txathu, se Mkoma a na mahe ti ti wonekako i di ta tinene masoni kwakwe.

1 Makronika 19:13 Referans Kwoze

Masalmo 27:14

Themba Mkoma! Tsanisa, u nga thave txilo, themba Mkoma!

Nehemiya 4:14

Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

2 Samuwele 10:12

Ngu toneto, koko, tsana, a hi tsaneni hi lwela vathu ni madhoropa a Txizimu txathu; sekoko Mkoma a na mahe ti ti wonekako i di ta tinene masoni kwakwe.

Joxuwa 10:25

Sekoko Joxuwa a to va gela a txi khene: “Mi nga thaveni txilo kambe mi nga wikeni msana; khutalani mi txi zumba mi di tsani, nguko ngu tona tiya Mkoma a no maha ka votshe valala vanu, avale mi no lwa navo.”

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

1 Samuwele 4:9

Tsanani anu Vafilista, mi va vavamna, kasiku mi si thuki mi thumela Vahebheru, nga kule ni vona va nga mi thumela; Tikombeni koko ku mi vavamna, milwa.

Ezra 10:4

Khukha koko, nguko ya kulumba mhaka yiya, se athu hi nava ni nawe; ti karate u maha toneto.

1 Samuwele 17:32

Se Dhavhidha a to khene ka Sawule: Ti nga gume mtamo timbilu ngu mhaka yakwe; txithumi txako txi na tsula txi yalwa ni Mufilista wuwa.

Valamuli 10:15

Aniko vanana va ka Israyeli va to kha vona ka Mkoma: Hi onhile! Maha ngu ngathu ati u ti wonako i di tinene masoni kwako; aniko ha kukombela ti to u txi hi hulukisa ka ditshiku da nyamsi.

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Jobe 1:22

Ka totshe tiya, Jobe kha onha, hambi kulumbeta Txizimu.

2 Samuwele 15:26

Kambe nga ku Mkoma a txo khene: Kha ni ku tsakeli; ngani wuwa, a na mahe kudhunda kwakwe ngu ngani.

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

1 Makronika 19:12

Se Jowabhi a to khene: Ngako Vasiriya va di ni mtamo ngutu kupinda ani, u na ta u ta ni vhuna; kambe ngako vanana va ka Amoni va di ni mtamo ngutu kupinda awe, ni nata, ni ta kuvhuna.

1 Makronika 19:14

Sekoko Jowabhi ni vathu vale a nga ti navo, va to tshuketa masoni ve lwa ni Vasiriya; kambe Vasiriya va to tutuma masoni kwawe.