1 Makronika 18:4 - Bhiblia Yo Sawuleka

⁴ Se Dhavhidha a to m'honyola 1.000 wa mahantxhi o ndinda sikotxikani, ni 7.000 wa vagadhi va mahantxhi, ni 20.000 wa vavamna vo tsimbila ngu mikondo; se Dhavhidha a to limata otshe mahantxhi o ndinda sikotxikani, e siya 100 wa mahantxhi.

1 Makronika 18:4 Referans Kwoze

2 Samuwele 8:4

Se Dhavhidha a to teka 1.600 wa vagadhi va mahantxhi ni 20.000 wa vavamna va tsimbilako ngu mikondo; Dhavhidha a to wila misiha ya otshe mahantxhi a sikotxikani, e siya o dingana 100 wa sikotxikani.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

1 Vafumeli 10:26

Kambe Solomoni a to sengeleta sikotxikani sasingi ni vagadhi va mahantxhi; a ti ni 1.400 wa sikotxikani, ni 12.000 wa vagadhi va mahantxhi; e si yisa ka madhoropa a sikotxikani, se simwani si zumba kumweko ni mfumeli Jerusalema.

1 Vafumeli 4:2

Se vathangeli va nawo ngu vava: Azariya, mwanana wa Zadhoki, mphaxeli;

Joxuwa 11:9

Se Joxuwa a mahile nga ti Mkoma a nga m'gelisa tona; a to wilela misiha ya mahantxhi awe, e hisetela ni sikotxikani sawe kambe.

Joxuwa 11:6

Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Dhewuteronome 17:16

Kambe mfumeliyo kha kulaveki ku eva ni mahantxhi o tala, hambi kukurumeta vathu ve tshumelela Egipta kasi kuya mana mahantxhi o tala; nguko Mkoma a ti khene: Kha mi na mbi tsimbila kambe ngu yona nzila yiya.

Genesisi 49:6

Moya wangu wu nga wulele sikungoni kwawe, nduma yangu yi nga wuletiswe misengeletanoni kwakwe, nguko kuhenyani kwawe va dayete vavamna, ve sakana ngu kulimata misiha ya tihomu.

1 Makronika 18:3

Kambe Dhavhidha a to xasela Hadhadhezeri, mfumeli wa Zobha, hafuhi ni Hamati, nga kule a nga ti yite kuya tsanisa mfumo wakwe, mnamboni wa Ewufrate.

1 Makronika 18:5

Se Vasiriya va to ta ngu Dhamasku, ku ta vhuna Hadhadhezeri, mfumeli wa Zobha; kambe Dhavhidha a to daya 22.000 wa vavamna va Vasiriya.