1 Makronika 18:2 - Bhiblia Yo Sawuleka

² Kambe a to xasela Vamowabhi, se Vamowabhi va to maha tikhumbi ta Dhavhidha, va txi ta mluva.

1 Makronika 18:2 Referans Kwoze

Isaya 16:1

Rumelani txinvutana ka mfumeli wa ditiko, txi txi khukhela txiwulani ka Sela, kala mmangoni ka dihorana da Siyoni.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Masalmo 60:8

Mowabhi mkamba wu ni sambelako ka wona; txitimwi ka Edhomi ni na rinza disandazi dangu, kurinza disandazi ka wukhalo wokari njikombiso txaku mbukhalo wa nyane wa disandazi donedo. Ni na giya ngu kuxula Vafilista.”

1 Vafumeli 10:25

Se mmweyo ni mmweyo a txi ta mninga siya sa silivhela ni siya sa nzalama, ni syambalo, ni matxhari, ni sithimbelo so bhumula ni mahantxhi ni mamula; tximwetxo ni tximwetxo ngu dilembe ni dilembe.

1 Vafumeli 10:2

Se a to ta Jerusalema ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; e ta geletela Solomoni totshe ti a ngadi nato mbiluni kwakwe.

2 Samuwele 8:2

Kambe a to xasela Vamowabhi, e va otelisa hahatshi ni ku va pima ngu ngoti, a to va pima ngu tingoti timbidi kasi ku e va daya, avale va nga pimwa ngu ngoti yimweyo a to va leka ve hanya. Ngu kumaha keto, Vamowabhi va to maha tikhumbi ta Dhavhidha, ve mluva.

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Mitengo 24:17

Ni na mmona, aniko na i si nga konkuwa; Ani ni na mmona aniko i si nga hafuhi; nyeleti yokari yi nata ngu ka Jakobe, ni ndonga yi na huma ngu ka Israyeli, kambe yi peka mihingano ya Vamowabhi, yi txi khundumusa votshe vanana va Sete.

1 Makronika 18:1

Msana keto, ku to maheka tito, Dhavhidha e xasela Vafilista, e va khozisa; e teka Gati ni makhalo o fumelwa ngu ngene, manzani ka Vafilista.

1 Makronika 18:3

Kambe Dhavhidha a to xasela Hadhadhezeri, mfumeli wa Zobha, hafuhi ni Hamati, nga kule a nga ti yite kuya tsanisa mfumo wakwe, mnamboni wa Ewufrate.