1 Makronika 18:13 - Bhiblia Yo Sawuleka

¹³ Se a to veka vawoneleli, kona Edhomi, se votshe va ka Edhomi va to maha tikhumbi ta Dhavhidha; kambe Mkoma a to xayisa Dhavhidha, kotshe amu a nga ti ti ya kona.

1 Makronika 18:13 Referans Kwoze

1 Makronika 18:6

Se Dhavhidha a to veka vawoneleli kona Siriya ka Dhamasku, se Vasiriya va to maha tikhumbi ta Dhavhidha, va txi mluva; kambe Mkoma a to xayisa Dhavhidha, kotshe amu a nga ti ti ya kona.

Genesisi 27:37

Sekoko Isaake, a to xamula ka Esawu, a txi khene: “Ani ni mmahile mfumeli wako, ni mningile votshe vanana-kulowe, ti to ve maha sithumi sakwe, ni mningile kambe fulaho ni vhinya. Se ni nga ku mahela txani kambe nawe, mwanangu, kani?”

2 Vakorinto 11:32

Aniya Dhamasku, awule a nga ti fuma hahatshi ka mfumeli Aretasi, a to veka vawoneleli ha txidingeni ka didhoropa da Dhamasku, kasiku ve ni ñola.

Masalmo 144:10

Awe u ningako vafumeli mtamo wa kuxula, u ponisako txithumi txako Dhavhidha, ka ditxhari di dayako

Masalmo 121:7

Mkoma a na kuvhikela ka kotshe kubihani; ene Mkoma a na vhikela wutomi wako.

2 Samuwele 23:14

Sekoko Dhavhidha a ti ti dikhokholani, kambe vawoneleli va Vafilista va ti ti Bhetlehema.

1 Samuwele 14:1

Se ku to maheka, koko, taku ka ditshiku dimwani Jonatani mwana Sawule, a to gela mfana wule a nga ti ti mrwalela matxhari, a txi khene: Ngono, hi tsula ka vawoneleli va Vafilista, vaku ngu didhawa da kheya. Kambe Jonatani kha gela tate wakwe.

1 Samuwele 13:3

Se Jonatani a to xasela vawoneleli va Vafilista vale va nga ti ti Gibheya, eto Vafilista va nga tiziva; ngu kumaha keto, Sawule a to veta mpundu ka dotshe ditiko, a txi khene: Engisani anu Vahebheru.

1 Samuwele 10:5

Sekoko u naya mmangoni ka Txizimu, ahale ku ku ni vawoneleli va Vafilista; se ku na maheka taku, mbimo yi u no wulela didhoropani, u na mana mtxawa wa vaprofeti va txi relela ngu ka wukhalo wo guleka va di ni timbila, ni tingoma, ni misengele, ni maharipa; se va na profeta.

Mitengo 24:18

Se Edhomi a na va i di thomba, Seyiri nene a na va thomba yo salela valala vakwe; koko Israyeli a na kombisa mtamo wakwe.

Genesisi 27:40

Awe u na hanya ngu ditxhari dako, u na thumela mnanda wako. Ku na maheka taku, mbimo yi u no ti txhatxhisa, sekoko u na funya dikange thamoni kwako.”

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Genesisi 25:23

se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”

1 Vafumeli 11:15

Nguko ku to maheka ti to Dhavhidha a di Edhomi, mbimo yi a nga kwelela Jowabhi mthangeli wa dibutho kuya kelela vafi, a to dayela votshe vavamna va Edhomi,

1 Makronika 18:12

Kambe Abhixayi, mwana Zeruiya, a to daya 18.000 wa va ka Edhomi, mkovani ka Mnyu.

1 Makronika 18:14

Se Dhavhidha a to fuma votshe va ka Israyeli; a txi lamula ngu kululama timhaka ta votshe vathu vakwe.

1 Samuwele 18:14

Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene.