1 Makronika 17:9 - Bhiblia Yo Sawuleka

⁹ Ni na ninga wukhalo ka vathu vangu va ka Israyeli, ni va phaya koneho, kasi kuve ti akela ka wukhalo wonewo, kona kha va na mbi thaviswa ngu m'thu; kambe kha va na mbi ngadi ve xaniswa ngu vale va nga ti va xanisa, kufana ni makhatoni,

1 Makronika 17:9 Referans Kwoze

Mtuletelo 21:4

Se Txizimu txi na bahulela yotshe mirongo tikhoheni kwawe; kha ku na mbi swa ku txi maneka kambe lifo, hambi kudila, hambi tihuwa, hambi kupandiseka, nguko so khata si pindile.”

Vaefesu 5:6

M'thu a nga thuke e mi kanganyisa ngu mapswi o mbi vhuna txilo, nguko simaha siya si dhana kuhenya ka Txizimu.

Ezekhiyele 28:4

Mtamo wako u wu mani ngu wutxhari wako ni mapimo ako, kambe u mani nzalama ni silivhela txisangalani kwako.

Masalmo 44:2

Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Amosi 9:15

Na va simeka ditikoni kwawe, kha va na mbi thaviswa kambe ka ditiko di ni nga va ninga, kuwomba Mkoma, Txizimu txako.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Ezekhiyele 34:13

Se ni na ti thavisa ka vathu, ni txi ti wuyisa ngu ka matiko o hambana, ni na ti wuyisa ditikoni ka tona, ni txi ti dyisela mimangoni ka Israyeli, hafuhi ni milonga, ni ka otshe makhalo ma nga akwa ha mafuni.

Jeremiya 32:41

Ni na zilimukiswa ngu vona, ni txi va katekisa, kambe ni na va zimeka ditikoni muwa ngu mbilu yangu yotshe ni muhefemulo wangu wotshe.

Jeremiya 24:6

Ni na va wona ngu wunene, ni na tshumela ni va wuyisa ka diya ditiko. Ni na va akisa, ni si va wisi hahatshi; ni na va phaya ni si va duli.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Isaya 49:17

Vanana vako va nata ngu kukuluveta, aniko vahaxuli vako ni valovisi vako va ya kule ni nawe.

Masalmo 92:13

Kufana ni mindonga yi yi nga phaywa m'tini ka Mkoma, ene a na kula ha mthandani ka Txizimu txathu.

Masalmo 89:22

Valala kha va na mbi mkanganyisa hambi sigevenga kha si na mbi mxula.

1 Makronika 17:8

Ni ti ti kumweko ni nawe kotshe amu u nga ti tsimbila-tsimbila kona, aniko ni fuvisile votshe valala masoni kwako, ni mahile ti to ditina dako di fana ni ditina da vathangeli va vakuho ha mafuni.

1 Makronika 17:10

kukhukhela ka masiku ale ni nga veka valamuli txitimwi ka vathu vangu va ka Israyeli; ni khozisile votshe valala vako; kambe ni kuzivisile ti to Mkoma a na kuakela nyumba.