1 Makronika 17:6 - Bhiblia Yo Sawuleka

⁶ Ka otshe madhawa ale ni nga tsimbila-tsimbila ni votshe va ka Israyeli, ina ni wombile dipswi dokari, ka valamuli vokari va ka Israyeli, vale ni nga va leleta kudyisa vathu vangu, ni txi khani: Ngu kutxani mi si ni akeliko nyumba ngu mikedhari kani?

1 Makronika 17:6 Referans Kwoze

2 Samuwele 7:7

Se ka otshe makhalo aawa ni nga tsimbila-tsimbila ni votshe vanana va ka Israyeli, ina ni wombile dipswi dokari ka lihunzu lo kari la Israyeli, ka wule ni nga mruma kudyisa vathu vangu va ka Israyeli, ni txi khani: Ngu kutxani mi si ni akeliko nyumba ya mikedhari kani?

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Mithumo 13:20

ngu mbimo ya kudingana 450 wa malembe. Msana keto, Txizimu txi va vekete valamuli kala kuhoka ka mprofeti Samuwele.

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Ezekhiyele 34:2

Awe mwanana wa m'thu, profeta u wukela vadyisi va Israyeli; profeta u gela vadyisi va ka Israyeli ku khawe: Mkoma Txizimu a khene: Dikhombo ka vadyisi va ka Israyeli va ti dyisako vona vapune! Ina vadyisi kha va na mbi dyisa tinvuta kani?

Jeremiya 23:4

Ni na emisa vadyisi txitimwi ka tona, ava va no ti dyisa. Kha ti na mbi ngadi ti thava, hambi kudhudhumela, kha ku na mbi pwateka ni ya yimweyo, kuwomba Mkoma.

1 Makronika 11:2

Hambi ni kale, Sawule i di ngadi mfumeli, ngawe u nga ti ti huma ni kuwulela ni Israyeli; Mkoma, Txizimu txako, a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

1 Samuwele 12:11

Se Mkoma a to rumela Jerubhahali ni Bhedhani, ni Jefite, ni Samuwele e mi txhatxhisa manzani ka valala vanu vale va nga mi randela, se mi zumba mi di tsani.

Dhewuteronome 23:14

Nguko Mkoma, Txizimu txako, a tsimbilela hagari ka wugovelo wako, kasi ku kutxhatxhisa ni kuningela valala vako manzani kwako; ngu kumaha keto, wugovelo wako wu na va wo sawuleka, kasi ku asi ku tshuraleli, ngako a txi wona to biha kwako.

1 Makronika 17:7

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni ku humisile txibalani, msana ka tinvuta, kuva u maha mthangeli wa vathu vangu va ka Israyeli.

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.