1 Makronika 17:23 - Bhiblia Yo Sawuleka

²³ Konkuwa koko, awe Mkoma, dipswi dile u ngadi womba ngu txithumi txako ni nyumba ya txona, di na tsane, ngu ha ku si gwitiko; maha nga ti u nga wombisa tona.

1 Makronika 17:23 Referans Kwoze

Luka 1:38

Konaho, Mariya a to khene: “Ngani wuwa txithumi txa Mkoma, ti na maheke kwangu nga ti u wombisako tona.” Se ngelozi yi khukha yi mu siya.

Jeremiya 11:5

kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Masalmo 119:49

Alakanya dipswi di u nga ni gela, ani txithumi txako; dipswi donedo di ni ningile kuthemba.

Genesisi 32:12

Awe ngawe, u nga womba u txi khawe: “U na ni xayisa ta tinene, u txi maha ti to liveleko langu li txi tala nga mtxhefa wa mafu a lineneni, awu wu si kotekiko kubalwa.”

1 Makronika 17:22

Se u tekile vathu va ka Israyeli kuva veva vathu vako, kala kupinduka; se awe Mkoma, uve Txizimu txawe.

1 Makronika 17:24

Di na tsane ni ku kuliswa ditina dako, kala kupinduka, ku na wombwe taku: Mkoma wa Mabutho a Tiyimbi, Njizimu txa Israyeli, Njizimu txo lumba Israyeli; yi na tsane masoni kwako nyumba ya Dhavhidha, txithumi txako.

1 Makronika 28:4

Se Mkoma, Txizimu txa Israyeli, a ni sawute hagari ka yotshe nyumba ya tate wangu, kuva ni fumela kala kupinduka txitimwi ka va ka Israyeli; nguko a sawute Judha kuva mthangeli, ni nyumba ya tate wangu, ka nyumba ya ka Judha; hagari ka vanana va tate wangu a tsakisilwe ngu ngani, kasi ku e ni maha mfumeli txitimwi ka votshe va ka Israyeli.

1 Vafumeli 8:26

Sekoko konakuwa awe Txizimu txa Israyeli, di na tatiseke dipswi dako adi u nga womba ka txithumi txako, tate wangu Dhavhidha.

2 Makronika 1:9

Konkuwa koko, awe Mkoma Txizimu, tsanisisa dipswi dako, dile u nga ninga Dhavhidha, tate wangu; nguko awe u ni mahile mfumeli txitimwi ka vathu votala ngutu nga lithulu la mafu.