1 Makronika 17:17 - Bhiblia Yo Sawuleka

¹⁷ Hambi keto, awe Txizimu, mhaka yiya yi vile yidotho masoni kwako; ngu kumaha keto, u wombawombile ngu nyumba ya txithumi txako ka timbimo ti titako; madingano ni sihena sa vathu u ni kulisile, awe Mkoma Txizimu.

1 Makronika 17:17 Referans Kwoze

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

2 Vafumeli 3:18

Kambe eto ndidotho masoni ka Mkoma; a na ningela vathu va Mowabhi manzani kwanu.

1 Vafumeli 3:13

Se ni ti u nga mbi kombela, ni ku ningile, tithomba kuva wudhundo; nga ku si maneki wo fana ni nawe hagari ka vafumeli, mndani ka masiku ako.

2 Samuwele 12:8

ni ku ningile nyumba ya nyamne wako ni vasikati va nyamne wako hakhana kwako, kambe ni ku ningile nyumba ya va ka Israyeli ni ya ka Judha; ngako siya i di sa sidotho ni di na kuengetela sihi ni sihi.

2 Samuwele 7:19

Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani?

1 Makronika 17:16

Sekoko, mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu kani? Niku ngu yihi nyumba yangu, aha koza u ni tisa hawa kani?

1 Makronika 17:18

A na womba txani kambe Dhavhidha, madingano ngu wotshe wudhumo wu u nga ninga txithumi txako kani? Kambe awe wa txi ziva kha kwati txithumi txako.