1 Makronika 17:16 - Bhiblia Yo Sawuleka

¹⁶ Sekoko, mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu kani? Niku ngu yihi nyumba yangu, aha koza u ni tisa hawa kani?

1 Makronika 17:16 Referans Kwoze

2 Samuwele 7:18

Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani?

Genesisi 32:10

Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Masalmo 144:3

Mkoma, nji txani m'thu, koza u txi mualakanya kani? Njitxani mwanana wa m'thu, kasiku u txi mkhatalela kani?

1 Samuwele 9:21

Sekoko Sawule a to xamula, a txi khene: Ina ani kha ni nga mwanana wa ka Bhenjamini, wa lihunzu la lidhoto la ka Israyeli kani? Ni mwaya wangu hi nga wa wudhoto ka yotshe mimwaya ya lihunzu la ka Bhenjamini kani? Ngu kutxani koko u ni angulako ngu mapswi o fana ni awa kani?

1 Samuwele 7:12

Sekoko Samuwele a to teka dirigwi e di emisa hagari ka Misipa ni Semi, kambe a to raya ditina daku Ebhenezeri, a txi khene: Kala hawa, Mkoma a hi vhuni.

2 Vakorinto 1:10

I ku txona txi nga hi hulukisa, ngu txona kambe txi no hi hulukisa ka phango ya hombe ya lifo; ka txona hi vekile themba yiyo, txi na hi hulukisa yotshe mbimo.

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,

2 Vafumeli 19:14

Sekoko mbimo yile Ezekhiya a nga amukela mapasi ngu manzani ka mitumi e ma gonda, a to wulela Nyumbani ka Mkoma; Ezekhiya a to ma ateta masoni ka Mkoma.

Valamuli 6:15

Se Gidhiyoni a to xamula a txi khene: “Mkoma wangu, ni na sikotisa kutxani kuhulukisa Israyeli kani? Nyumba yangu nja wusiwana ngutu hagari ka va ka Manasi, ni nani kambe ni tshole amu nyumbani ka tate wangu.”

1 Makronika 17:15

Nathani a to womba ka Dhavhidha madingano ni otshe mapswi awa ni madingano ni txotshe txiwoniso txiya.

1 Makronika 17:17

Hambi keto, awe Txizimu, mhaka yiya yi vile yidotho masoni kwako; ngu kumaha keto, u wombawombile ngu nyumba ya txithumi txako ka timbimo ti titako; madingano ni sihena sa vathu u ni kulisile, awe Mkoma Txizimu.

1 Makronika 29:14

Nguko ngani mani ani, ni vathu vangu mba mani, vaku hi nga sikota kuninga simaha so fana ni siya, ngu kuranda kwathu kani? Nguko sotshe sita ngu kwako, se ha si ningela manzani kwako.

2 Makronika 1:8

Se Solomoni a to khene ka Txizimu: Awe u thumisile Dhavhidha, tate wangu, ngu kukateka ka hombe, kambe ani u ni mahile mfumeli, ka wukhalo wakwe.