1 Makronika 17:13 - Bhiblia Yo Sawuleka

¹³ Ani ni na va tate wakwe, se ene a na va mwanana wangu; kha ni na mbi thavisa lirando langu txitimwi kwakwe, kufana ni lile ni nga li thavisa ka wule a nga maneka u sanzi ku va ho awe.

1 Makronika 17:13 Referans Kwoze

Vahebheru 1:5

Nguko, ngu ka yihi ngelozi Txizimu txi nga womba txi txi kha txona: “Awe u Mwanana wangu, ni ku velekile nyamsi,” kani? Na kambe txi txi kha txona: “Ani ni na va ni di Tate wakwe, ene a na va Mwanana wangu,” kani?

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Masalmo 2:7

Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

1 Makronika 17:12

Ngene wuwa a no ni akela nyumba, se ani ni na tsanisa wukoma wakwe ngu ha ku si gwitiko.

1 Makronika 10:14

aniko kha lava Mkoma, ngu toneto, Mkoma a to m'daya, e teka mfumo wakwe e ningela ka Dhavhidha, mwana Jese.

1 Samuwele 15:28

Sekoko Samuwele a to m'gela ku khene: Nyamsi Mkoma a vharute mfumo wa ka Israyeli manzani kwako, se wu ningela ka mwakelani wako, wa tshuko kupinda awe.

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

Johani 3:35

Tate wa randa Mwanana, a vekile sotshe manzani kwakwe.

Luka 9:35

Di to huma dipswi direfuni di txi kha dona: “Awuwa i Mwanana wangu wa kusawuleka. Mu engiseni.”

Luka 1:32

Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mninga txikhalo txa tate wakwe Dhavhidha;

1 Vafumeli 11:36

Se mwanana wakwe ni na mninga lihunzu limwelo, kasiku txithumi txangu Dhavhidha a na va ni dilambu masoni kwangu kona Jerusalema, didhoropa di ni ngadi sawula kasi kuveka kona ditina dangu.

1 Makronika 17:14

Aniko ni na m'tsanisa nyumbani kwangu ni mu ka mfumo wangu kala kupinduka, ni txitulu txa wukoma wakwe txi na tsana ngu ha ku sigwitiko.