1 Makronika 17:11 - Bhiblia Yo Sawuleka

¹¹ Se ku na maheka taku, mbimo yi masiku ako ma no tatiseka, o tsula ka vaveleki vako, ni na emisa ka liveleko lako, mmweyo ka vanana vako, ni tsanisa mfumo wakwe.

1 Makronika 17:11 Referans Kwoze

Masalmo 132:11

Awe u mahile txithembiso ka Dhavhidha, txithembiso txi u no mbi txi tshuralela, u ti khawe: “Mmweyo wa vanana vako ni na mmaha mfumeli awu a no fuma msana kwako.

Mithumo 13:36

“Kasi i di Dhavhidha, ngako a di hetile, ka mbimo ya kuhanya kwakwe, mthumo wu Txizimu, ngu makungo a txona, txi nga ti msikete ona, ene a to otela, se e tshotshwa hafuhi ni vatate vakwe, e sina.

Mithumo 2:29

“Vanathu, ni nga tsanisa ni mi gela ti to nyampande Dhavhidha a fite e tshotshwa, se diyiva dakwe di maneka hagari kwathu ni kona nyamsi.

1 Makronika 29:28

Se a fite a di kumbile ngutu, a di ni masiku amangi, ni tithomba ni wudhumo; kambe mwanakwe Solomoni a to fuma ka wukhalo wakwe.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

1 Vafumeli 8:20

Mkoma a to di tsanisisa toneto dipswi dile a nga ti di wombile; nguko ni emile ka wukhalo wa tate wangu Dhavhidha, ni khalahatshile ka txitulu txa wukoma txa ka Israyeli, nga ha a nga womba Mkoma; se ni akete nyumba ditina da Mkoma, Txizimu txa Israyeli.

1 Vafumeli 2:10

Se Dhavhidha a to otela ni vatate vakwe, a tshotshilwe didhoropani ka Dhavhidha.

1 Vafumeli 1:21

Hahanze keto, ku na maheka tito, aha mfumeli, nyamne wangu, a no otela ni vatate vakwe, ani ni mwanangu Solomoni hi na wombwa ku hi vabihi.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Genesisi 15:15

Se awe u na tshumelela ngu kuthutha ka vatate vako; u na ya tshotshwa, u di kumbile ngutu.

1 Vafumeli 8:19

Hambi keto khu na mbi yi aka nyumba yiya, sekoko mwanana wako, awu a no velekwa ngu ngawe, a na akela ditina dangu yiya nyumba.

1 Makronika 17:10

kukhukhela ka masiku ale ni nga veka valamuli txitimwi ka vathu vangu va ka Israyeli; ni khozisile votshe valala vako; kambe ni kuzivisile ti to Mkoma a na kuakela nyumba.

1 Makronika 17:12

Ngene wuwa a no ni akela nyumba, se ani ni na tsanisa wukoma wakwe ngu ha ku si gwitiko.

Jeremiya 33:17

Nguko Mkoma a khene: Dhavhidha kha na mba dhuka e pwata m'thu a zumbako ha txikhaloni ka wukoma ka nyumba ya Israyeli;

2 Makronika 6:9

Hambi keto, khu na mbi yi aka nyumba yiya, kambe mwanana wako, awu a no velekwa ngu ngawe, a na akela ditina dangu nyumba yiya.

Masalmo 89:5

Tinzuma ta dhumisa sidiwukiso sako, Mkoma, ni msengeletano wo sawuleka wa dhumisa kuthembeka kwako.