1 Makronika 17:1 - Bhiblia Yo Sawuleka

¹ Se ku to maheka taku, ngako Dhavhidha a di zumbile nyumbani kwakwe, a to gela mprofeti Nathani, a txi khene: Wona taku, ni zumba mu ka nyumba yo akwa ngu mikedhari, kambe dibhokiso da txitumelelano txa Mkoma, di zumba ditendani.

1 Makronika 17:1 Referans Kwoze

1 Makronika 17:5

nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa va ka Israyeli kala ka ditshiku da nyamsi; kambe ni tsimbila ngu ka ditenda ni ditenda, ni ka makhalo o sawuleka.

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

Hagayi 1:9

Mi rinzete sasingi, aniko mi mani sa sidotho, ni soneso sa sidotho, mbimo yi mi nga si wuyisa m'tini, ani ni si futetile. Ngu kutxani kani? Kuwombile Mkoma wa Mabutho a Tiyimbi. Ngu mhaka ya nyumba yangu i ku ditshatsha, se mmweyo ni mmweyo wanu a tutumela nyumbani kakwe.

Hagayi 1:4

Ina ngu yona mbimo yo anu mi zumba ka tinyumba tanu to thsuriselwa, se ayiya nyumba yi maha ditshatsha kani?

Dhaniyeli 4:4

“Ani, Nebhukodhonosori ni ti zumbisekile amu nyumbani kwangu, ni tsaka nyumbani kwangu ka wukoma.”

Jeremiya 22:15

Ina u na fuma ngu ku u ti ningelako mthumoni ka makedhari kani? Tate wako a dyite ni kusela. Aniko a to lamula ngu mlayo ni fanelo, a to humelela ngu mhaka ya toneto.

Masalmo 132:5

kala kuza ni txi lavela Mkoma wukhalo, nyumba yo zumbela ka wona Txizimu txa mtamo txa Jakobe.”

2 Makronika 1:4

Aniko Dhavhidha a ti thavisile dibhokiso da Txizimu kona Kiriyate-Jeyarimi e di yisa ka wukhalo wule Dhavhidha a nga ti wu longisile; nguko a ti gwimbile ditenda kona Jerusalema.

1 Makronika 29:29

Mithumo koko ya mfumeli Dhavhidha, yo khata hambi yo gwita, yi bhatwe ka matimu a Samuwele, m'huti, ni ka matimu a mprofeti Nathani, ni ka matimu a Gadhi, m'huti,

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

1 Makronika 14:1

Sekoko Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vaaki va tinyumba, ni vavati, kasi ku ta muakela nyumba.

1 Vafumeli 1:44

Se mfumeli a to mruma kumweko ni Zadhoki, mphaxeli, ni mprofeti Nathani, ni Bhenaya, mwana Joyadha, ni Vakereti, ni Vapeleti; va to gadhisa Solomoni, ka dimula da mfumeli.

1 Vafumeli 1:23

Va to gela mfumeli va txi kha vona: Ndiyole a bwakile mprofeti Nathani. A to wulela ka mfumeli, a to nama masoni ka mfumeli, a txi wonetela hahatshi.

1 Vafumeli 1:8

Se Zadhoki, mphaxeli, ni Bhenaya, mwana Joyadha, ni Nathani, mprofeti, ni Simeyi, ni Reyi, ni tindena ti a nga ti nato Dhavhidha, va ti si nga kumweko ni Adhoniya.

2 Samuwele 12:25

Se a to rumela ngu dianza da mprofeti Nathani, se ene a to mraya ditina daku i Jedhidhiya, ngu kuranda ka Mkoma.

2 Samuwele 12:1

Se Mkoma a to rumela Nathani ka Dhavhidha; a di wuleta ka Dhavhidha a to ya khene kwakwe: Ku ti ti ni vavamna vambidi ka didhoropa dokari, mmweyo i ti nyatithombe, mmwani i ti txisiwana.

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

Mithumo 7:46

ene Dhavhidha a mani kukateka masoni ka Txizimu, se e kombela dithomo do akela nyumba Txizimu txa Jakobe.

1 Vafumeli 8:17

Kambe tate wangu Dhavhidha, a alakanyile mbiluni kwakwe kuakela nyumba ditina da Mkoma, Txizimu txa Israyeli.

1 Makronika 17:2

Sekoko Nathani a to khene ka Dhavhidha: Maha totshe ti u ku nato mbiluni kwako, nguko Txizimu txi ni nawe.

1 Makronika 22:7

Se Dhavhidha a to khene ka Solomoni: Mwanangu, ni ti ni makungo o akela nyumba ditina da Mkoma, Txizimu txangu.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

1 Makronika 22:6

Sekoko a to dhana Solomoni, mwanakwe, e ta mleleta taku a txi aka Nyumba ya Mkoma, Txizimu txa Israyeli.