1 Makronika 16:9 - Bhiblia Yo Sawuleka

⁹ Embelelani tindando ta ku m'dhumisa, wombawombani ngu mithumo yakwe yo xamalisa.

1 Makronika 16:9 Referans Kwoze

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Jakobe 5:13

Wa ho wa kuxaniseka hagari kwanu, kani? A na khongele. Wa ho wa kutsaka hagari kwanu, kani? A na embelele tindando ta kudhumisa.

Matewu 26:30

Msana ka kuva va di embelete mzeno, va to huma veya mmangoni ka Olivheti.

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Masalmo 71:17

U ni gondisile awe Txizimu, kukhukhela ha wananani kwangu se ni ngadi ni txi huwelela sidiwukiso sako.

Masalmo 40:10

Kha na sisa mbiluni kwangu sithembiso sako; yotshe mbimo na nuwela kuthembeka kwako ni kuhanyisa kwako. Kha na sisela vathu vako, lirando lako ni kuthembeka kwako!

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Masalmo 145:12

kasi kuzivisa vanana va vathu mithumo yako ya hombe ni kuphatima ka wudhumo wa mfumo wako!

1 Makronika 16:8

Dhumisani Mkoma, huwelelani ditina dakwe, nuwelani simaho sakwe hagari ka vathu.

1 Makronika 16:10

Ti guleteni ka ditina dakwe do sawuleka; Ti na tsake timbilu ta va va lavako Mkoma.

Jobe 36:24

Alakanya kukulisa mithumo yako, ayile yi wonwako ngu vathu.

1 Makronika 16:24

Embelelani wudhumo wakwe hagari ka matiko, ni sixamaliso sakwe hagari ka vathu votshe.