1 Makronika 16:40 - Bhiblia Yo Sawuleka

⁴⁰ kasi kuve ningela miphaxo ya kuhiswa, ka Mkoma, txitimwi ka txiluvelo txa miphaxo ya kuhiswa, ya yotshe mbimo, wusiku ni mitshikari; se ni to madingano ni tile ti nga bhalwa amu ka Mlayo wa Mkoma, wu wu nga leletelwa va ka Israyeli.

1 Makronika 16:40 Referans Kwoze

Amosi 4:4

Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

Dhaniyeli 9:21

ni txi ngadi ni womba-womba mkombeloni, wamwamna Gabriyele, awule ni nga mu wona amu ka txiwoniso txangu do khata, a tota a txi puruma ngu kukuluveta, e ta ni gwesa ngu mbimo ya mphaxo wa minova.

Ezra 3:3

Se va to tsanisa txiluvelo aha ka sitsikareto sa kona, nguko kuthava ku ti ti txitimwi kwawe, ngu mhaka ya vathu va matiko; kambe va to ningela kona miphaxo yo hiswa ka Mkoma, miphaxo yo hiswa mixo ni minova.

2 Makronika 31:3

A to katekisa txyavelo txa thomba ya mfumeli txi maha mhamba yo hiswa mixo ni minova, ni mhamba yo hiswa ngu m'longiso ni m'buso wa kumekani ka mtxima, madingano ni ti ti nga bhalwa amu ka Mlayo wa Mkoma.

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.

2 Samuwele 8:17

Se Zadhoki, mwana Ayitubhe, ni Ayimeleki, mwana Abhiyatari, i ti ti vaphaxeli, se Seraya i ti ti mabhalani.

Levhi 9:17

A ningete kambe mningelo wa mpupu, awu a nga wela dianza do tala, ti to e wu hisa ha txiluveloni, kumweko ni mningelo wa mhamba yo hiswa, ni mixo.