1 Makronika 16:39 - Bhiblia Yo Sawuleka

³⁹ Se mphaxeli Zadhoki, ni vanawe, vaphaxeli, a to va veka masoni ka Nyumba ya Mkoma, ka wukhalo wo guleka wule wu nga ti Gibheyoni,

1 Makronika 16:39 Referans Kwoze

1 Vafumeli 3:4

Se mfumeli a to tsula Gibheyoni kuya phaxela kona, ngu kona i nga ti ti wukhalo wo guleka ngutu, a to ya ningela digumi da mazana a miphaxo ka txiluvelo txile.

1 Makronika 15:11

Se Dhavhidha a to dhana vaphaxeli, Zadhoki ni Abhiyatari, ni Valevhi, Uriyeli ni Asaya, ni Joweli, ni Semaya, ni Eliyeli, ni Aminadhabhe.

2 Makronika 1:13

Ngu toneto, Solomoni a to khukha ka mmango wule wu ku Gibheyoni, masoni ka ditenda da msengeletano, e tshumelela Jerusalema; se a to fuma txitimwi ka Israyeli.

1 Makronika 21:29

Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

1 Makronika 12:28

Zadhoki, i di ngadi mfana, i ti wamwamna wa mtamo, ka mwaya wa tate wakwe, a to tisa magumi mambidi a vathangeli ni vambidi.

2 Samuwele 8:17

Se Zadhoki, mwana Ayitubhe, ni Ayimeleki, mwana Abhiyatari, i ti ti vaphaxeli, se Seraya i ti ti mabhalani.

1 Vafumeli 1:8

Se Zadhoki, mphaxeli, ni Bhenaya, mwana Joyadha, ni Nathani, mprofeti, ni Simeyi, ni Reyi, ni tindena ti a nga ti nato Dhavhidha, va ti si nga kumweko ni Adhoniya.