1 Makronika 16:36 - Bhiblia Yo Sawuleka

³⁶ Ku na dhumiswe Mkoma Txizimu txa Israyeli, ngu malembe ni malembe. Se votshe vathu va to kha vona: Amen! Se ve dhumisa Mkoma.

1 Makronika 16:36 Referans Kwoze

1 Vafumeli 8:15

A txi khene: A na dhumiswe Mkoma, Txizimu txa ka Israyeli, a nga womba ngu txisofu txakwe ka tate wangu Dhavhidha, ni kumaha ngu dianza dakwe a txi khene:

Nehemiya 8:6

Se Ezra a to dhumisa Mkoma, Txizimu txa hombe; vathu votshe va to xamula va txi “Amen! Amen!” Na va txi guleta mawoko; se va to khizama ve khozela Mkoma, va di namisile tikhohe hahatshi.

1 Vafumeli 8:56

A na dhumiswe Mkoma, a nga ninga kuhumula vathu vakwe va ka Israyeli, madingano ni totshe ti a nga womba; hambi ni dipswi ni da dimwedo ka mapswi akwe otshe amanene kha da ngawa, ayale a nga ma womba ngu mthumo wa txithumi txakwe Mosi.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

1 Vakorinto 14:16

Nguko, ngako u txi bonga ngu moya wokha ka Txizimu, se awule i kova m'thu dwe msengeletanoni, eko asi ti pfiko ati u wombako, a na sikotisa kutxani kuangula, a txi “Amen” ka mkombelo wako wa kubonga, kani?

Jeremiya 28:6

Mprofeti Jeremiya koko a txi khene: Amen! Mkoma a na ti mahe eto. Mkoma a na tatise timhaka tako, ati u nga ti profeta, ta ku wuyisa siya sa Nyumba ya Mkoma, ni votshe va ku wukhumbini ka Bhabhilona, va txi wuya hawa.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Masalmo 106:48

A na bongwe Mkoma Txizimu txa Israyeli, konkuwa ni yotshe mbimo! Votshe vathu va na wombe va txi kha vona: “Amen!” Dhumisani Mkoma!

Masalmo 106:47

Hi hanyise, Mkoma, Txizimu txathu! Hi humise hagari ka vamatiko, u txi hi sengeleta, kasi ku hi txi kubonga, Txizimu txo Sawuleka hi txi kutsakela ngu ku kudhumisa.

Nehemiya 9:5

Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.