1 Makronika 16:30 - Bhiblia Yo Sawuleka

³⁰ Dhudhumela masoni kwakwe; otshe mafu ma na dhudhumele masoni kwakwe; se mafu ma na tsana, kasi ku ma si zinginiswe.

1 Makronika 16:30 Referans Kwoze

Masalmo 33:9

Nguko a to womba, se sotshe si maheka; a to ruma, se sotshe si humelela.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Vakolosa 1:17

Ene a thangelete sotshe, se sotshe si tsaniswa ngu ngene.

Jeremiya 10:12

Mkoma a mahile mafu ngu mtamo wakwe, e tsanisa ditiko ngu wutxhari wakwe, ngu wuzivi wakwe a nawulutile nzuma.

Isaya 49:8

Mkoma a womba tiya: Ni ku engisile ngu mbimo ya yinene, ni kuvhuni ngu ditshiku da kuhanyiswa, ni na kuxayisa, ni na kumaha txitumelelano ka vathu kasi ku u na wusa ditiko ni kuvaninga kuva tithomba tawe tile ti nga xaselwa;

Masalmo 96:9

Khozelani Mkoma, na mi di ambate wusawuleki, mkombeni txithavo masoni kwakwe, anu vathu va ha mafuni!

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

1 Makronika 16:23

Embelelani Mkoma anu mafu otshe; nuwelani kuhanyiswa kwakwe ngu masiku otshe.

1 Makronika 16:29

Ningani Mkoma wudhumo wu wu fanelako ditina dakwe, tisani siningo, mi ta masoni kwakwe; Khizamelani Mkoma ha kusawulekani kwakwe.

1 Makronika 16:31

Yi na tsake nzuma; ni mafu ma na peke mikulungwane; se ti na wombwe hagari ka vathu taku: Mkoma wa fuma.

Masalmo 76:8

U di txitimwi nzumani wa zivisa kulamula kwako se ditiko da dhudhumela di malala,

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!