1 Makronika 16:2 - Bhiblia Yo Sawuleka

² Se mbimo yile Dhavhidha a nga gwita kuningela ka Txizimu mningelo wa kuhiswa ni wa kudikha, a to katekisa vathu ngu ditina da Mkoma.

1 Makronika 16:2 Referans Kwoze

Genesisi 47:10

Jakobe a to salisa ka Faro, a txi khukha e tsula.

Vahebheru 7:7

Ku walo kukanakana ka ti to m'dotho a katekiswa ngu wa hombe.

2 Makronika 30:27

Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.

2 Makronika 29:29

Mbimo ayi va nga heta kuningela, mfumeli ni votshe a vale a nga ti ti navo va to khizama ve khozela.

2 Samuwele 6:18

Se mbimo yile Dhavhidha a nga heta kuningela miphaxo ya kuhiswa ni mingelo ya kudikha, a to katekisa vathu ngu ditina da Mkoma wa Mabutho a Tiyimbi.

Joxuwa 22:6

Joxuwa a to va katekisa, e va gela ti to ve tsula, se vona va to tshumelela matendani kwawe.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Genesisi 47:7

Se Josefa a to tisa tate wakwe, e ta mkombekisa ka Faro, Jakobe a to losa Faro.

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

Genesisi 14:19

Ene a to katekisa Abramu, a txi khene: “A na katekiswe Abramu ngu Txizimu Nyatxitimwi, M'vangi wa nzuma ni mafu!

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

1 Makronika 16:3

Se a to abanisela ka votshe va ka Israyeli, vavamna ni vavasikati, mmwani ni mmwani e mninga dipawu ni dikatha da hombe da nyama, ni txingotwana txa vhinya.

Ezekhiyele 45:17

Kambe miningelo yiya yo hiswa, yi na va manzani ka mthangeli, ni miningelo ya sakudya, ni sa kusela, amu ka mipipi, ni kumeka ka mtxima, ni Masabbata, ni ka yotshe mipipi ya nyumba ya ka Israyeli; i nava wa kudivalela sionho, ni mningelo wa sakudya, ni mningelo wa kuhiswa, ni mphaxo wa kudikha, kasi kukuwula sionho sa nyumba ya ka Israyeli.