1 Makronika 16:19 - Bhiblia Yo Sawuleka

¹⁹ Aku va nga ti ngu mtengo wa wudotho, i nga ti valuveli ka dona;

1 Makronika 16:19 Referans Kwoze

Genesisi 34:30

Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

Dhewuteronome 7:7

“Mkoma kha mi randa ni ku mi sawula, ngu mhaka ya kutala ka dibutho danu kupinda a votshe vamwani vathu, nguko anu mi ti ti vadotho ngu mtengo hagari ka votshe vathu vale vamwani.

Vahebheru 11:13

Votshe vathu vava va fete kukholwani, na va sinzi kumana si va nga ti thembisilwe sona. Vona va to si wona ni ku si tsakela ngu kule dwe, va txi ti tshanza ti to vona mbawuyi ni vaendi ha mafuni.

Mithumo 7:5

Aniko kha txa mninga thembwe kona hambi wukhaloanyana wu wu dinganako ku kandwa ngu mkondo; txi to mu thembisa dwe ti to txi na mninga dona, di maha thomba yakwe ni ya vatukulu vakwe msana kwakwe, hambiko a nga ti sanzi kuva ni mwanana.

1 Makronika 16:20

va ti tsimbila-tsimbila ka ditiko ni ditiko, va txi penga ngu ka mfumo ni mfumo.