1 Makronika 16:16 - Bhiblia Yo Sawuleka

¹⁶ ka txitumelelano txi a nga txi maha ni Abrahamu, ni ka txixambanyo takwe ka Isaake;

1 Makronika 16:16 Referans Kwoze

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Genesisi 17:2

Ani ni na maha Txitumelelano hagari kwangu ni nawe, kambe ni na andisa ngutu liveleko lako.”

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Mithumo 3:25

Nganu mi ku vanana va vaprofeti ni va txitumelelano txiya Txizimu txi nga txi maha ni vatate vathu ngako txi txi womba mapswi awa ka Abrahamu: ‘Ngu konaho ka liveleko lako, totshe tixaka ta mafu ti na katekiswa.’

Nehemiya 9:8

Se u wona kuthembeka ka mbilu yakwe masoni kwako, u maha nayo txitumelelano, txo ninga vanana vakwe ditiko da Vakanana, ni da Vaamori, ni da Vafarezi, ni da Vajebhusi, ni da Vagirigasi; se u tsanisile mapswi ako, nguko u lulamile.

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

1 Makronika 16:15

Alakanyani txitumelelano txakwe yotshe mbimo, ni sileleto sakwe si a nga si veka ka digumi da mazana a tiveleko;

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.