1 Makronika 16:1 - Bhiblia Yo Sawuleka

¹ Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

1 Makronika 16:1 Referans Kwoze

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

2 Makronika 1:4

Aniko Dhavhidha a ti thavisile dibhokiso da Txizimu kona Kiriyate-Jeyarimi e di yisa ka wukhalo wule Dhavhidha a nga ti wu longisile; nguko a ti gwimbile ditenda kona Jerusalema.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

Masalmo 132:8

Wuka Mkoma, nyumbani kwako ko humula, awe ni mtundu wa mtamo wako.

Levhi 3:9

Sekoko ka wona mphaxowo wa kuthutha, asiya si fanelako kuhiswa si maha mhamba ka Mkoma, ngu mafura, mkila wo wilwa ta tinene ngu ha tshina, ni otshe mafura, ni mafura otshe ma ku mndani ka mrumbu wa txihari,

1 Makronika 16:2

Se mbimo yile Dhavhidha a nga gwita kuningela ka Txizimu mningelo wa kuhiswa ni wa kudikha, a to katekisa vathu ngu ditina da Mkoma.

1 Vafumeli 3:15

Se Solomoni a to wuka, e wona taku a ti ko lora. Se a to ta Jerusalema, a txi ta ti veka hafuhi ni dibhokiso da txitumelelano txa Mkoma, se a to ningela miphaxo, a to longisela miphaxo ya kudikha, se a to mahela m'buso wa hombe vathu vakwe votshe.

1 Vafumeli 8:62

Se mfumeli ni votshe va ka Israyeli, va to phaxa miphaxo masoni ka Mkoma.

1 Makronika 6:16

Vanana va Levhi ngu vava: Gerisoni, Kohati, ni Merari.

1 Makronika 15:3

Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.