1 Makronika 15:3 - Bhiblia Yo Sawuleka

³ Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.

1 Makronika 15:3 Referans Kwoze

1 Makronika 13:5

Dhavhidha koko a to sengeleta votshe va ka Israyeli, kukhukhela Siyori wa Egipta kala Hamati, kasi ku veya teka dibhokiso da Txizimu, kona Kiriyate-Jeyarimi.

1 Vafumeli 8:1

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vathangeli va vatate, hagari ka vanana va ka Israyeli, masoni kwakwe, kona Jerusalema, kuva ve kwelisa dibhokiso da txitumelelano txa Mkoma, da Didhoropani da Dhavhidha, i ku Siyoni.

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

Levhi 9:5

Sekoko vona va to teka sotshe si Mosi a nga si leletela, ve si tisa ha txikeni ka ditenda da msengeletano wotshe wa ka Israyeli, wu nga tshuketa hafuhi ka Mkoma, wu txi ema kona.

1 Makronika 13:2

se Dhavhidha a txi khene ka wotshe msengeletano wa va ka Israyeli: Ngako i di ta tinene kwanu, ni kungako eto ti txita ngu ka Mkoma, Txizimu txathu, ahi rumeleni mitumi ngu kukuluveta, ka votshe vanathu, ni ka dotshe ditiko da Israyeli, ni ka vaphaxeli, ni ka Valevhi, amu madhoropani ni ka makhalo o dyisela ka ona sifuyo, kasi ku ve ta ti pata ni nathu;

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

2 Makronika 1:2

Se Solomoni a to womba ka votshe va ka Israyeli, ka vathangeli va yimbi va magumi a mazana, ni va mazana, ni ka valamuli, ni ka votshe vathangeli va dotshe ditiko da Israyeli, vathangeli va tinyumba ta vatate va kona.

2 Makronika 1:4

Aniko Dhavhidha a ti thavisile dibhokiso da Txizimu kona Kiriyate-Jeyarimi e di yisa ka wukhalo wule Dhavhidha a nga ti wu longisile; nguko a ti gwimbile ditenda kona Jerusalema.

2 Makronika 5:2

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vakoma va vatate, hagari ka vanana va ka Israyeli, kona Jerusalema, kasiku va txi kwelisa dibhokiso da txitumelelano txa Mkoma, ngu Didhoropani da Dhavhidha, i ku Siyoni, ve neha dithepelani.