1 Makronika 15:25 - Bhiblia Yo Sawuleka

²⁵ Ku to maheka tito, Dhavhidha ni madhota a ka Israyeli, ni vathangeli va magumi a mazana, ve tsula kuya teka dibhokiso da txitumelelano txa Mkoma ngu kutsaka, nyumbani ka Obhedhi-Edhomi.

1 Makronika 15:25 Referans Kwoze

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Ezra 6:16

Se vanana fa ka Israyeli, ni vaphaxeli, ni va ka Levhi, ni votshe vanana va wukhumbi, va to ningelisisa Nyumba yiya ya Txizimu ngu kutsaka.

1 Vafumeli 8:1

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vathangeli va vatate, hagari ka vanana va ka Israyeli, masoni kwakwe, kona Jerusalema, kuva ve kwelisa dibhokiso da txitumelelano txa Mkoma, da Didhoropani da Dhavhidha, i ku Siyoni.

1 Samuwele 22:7

Sekoko Sawule a to khene ka sotshe sithumi sakwe sile si nga ti kumweko nayo: Ni engiseni, na mikombela, anu vanana va ka Bhenjamini, ina mwanana wa Jese a na mininga anu motshenu, tithembwe ni mivhinya, ni ku motshenu e mi maha vathangeli va digumi da mazana ni vathangeli va mazana,

1 Samuwele 10:19

Aniko anu nyamsi mi lambile Txizimu txanu, txi txi nga mi hulukisa ka yotshe mithumo yanu yo biha, mi txi khanu ka txona: Veka mfumeli txitimwi kwathu. Konkuwa koko ti vekeni masoni ka Mkoma ngu tihunzu tanu ni ngu timwaya tanu.

1 Samuwele 8:12

Se a na va veka kuva vathangeli va magumi a mazana ni va mtxhanu wa magumi; ni kuva vadimi va tithembwe takwe, ni kuelula siyalo sakwe, kambe va na mmahela matxhari a yimbi ni tisimbi ta sikotxikani sakwe.

Dhewuteronome 16:15

Amu ka mtxhanu wa masiku ni mambidi u na busa, u txi dhumisa Mkoma, Txizimu txako, ka wukhalo wule Mkoma a nga wu sawula, nguko Mkoma, Txizimu txako, a na kukatekisa ka wotshe mthumo wa kuelula kwako ni ka yotshe mithumo ya manza ako, ngu toneto u na zumba u di katekile ta tinene.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Dhewuteronome 12:18

Awe u na si dyela masoni ka Mkoma, Txizimu txako, ka wukhalo wu Mkoma, Txizimu txako, a no wu sawula, awe ni mwanana wako wa dijaha ni wa dihorana, khumbi yako ya wamwamna ni ya wamsikati, ni Mulevhi wu a zumbako kumweko ni nawe. Kambe u na tsaka masoni ka Mkoma, Txizimu txako, ngu yotshe mithumo ya manza ako.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Mitengo 31:14

Se Mosi a to henyela vathangeli va dibutho da yimbi, vathangeli va magumi a mazana, ni vathangeli va mazana, ava va nga wuya ngu yimbini.

2 Makronika 1:4

Aniko Dhavhidha a ti thavisile dibhokiso da Txizimu kona Kiriyate-Jeyarimi e di yisa ka wukhalo wule Dhavhidha a nga ti wu longisile; nguko a ti gwimbile ditenda kona Jerusalema.

2 Makronika 5:2

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vakoma va vatate, hagari ka vanana va ka Israyeli, kona Jerusalema, kasiku va txi kwelisa dibhokiso da txitumelelano txa Mkoma, ngu Didhoropani da Dhavhidha, i ku Siyoni, ve neha dithepelani.