1 Makronika 15:2 - Bhiblia Yo Sawuleka

² Sekoko Dhavhidha a to khene: Kha ku na m'thu a nga tekako dibhokiso da Mkoma, ngako i si nga Valevhi; nguko Mkoma a va sawute, kasi ku ve teka dibhokiso da Mkoma, ni ku mthumela kala kupinduka.

1 Makronika 15:2 Referans Kwoze

Dhewuteronome 10:8

Ngu ka yona mbimoyo ya yimweyo, Mkoma a to sawula nyumba ya ka Levhi, kasi kuva txi rwala dibhokiso da txitumelelano txa Mkoma, ni kumaneka masoni kwakwe va txi khozela Mkoma, va txi mthumela ni kukatekisa vathu ngu ditina dakwe, kala nyamsi.

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Joxuwa 6:6

Sekoko Joxuwa, mwana Nune, a to dhana vaphaxeli, a txi va gela tiya: “Rwalani dibhokiso da txitumelelano; mtxhanu wa vaphaxeli ni vambidi, va na teke mtxhanu wa titshodi ni timbidi ta titxheho ta tihamba, va txi thangela masoni ka dibhokiso da Mkoma.”

Joxuwa 3:3

se va to leleta ka vathu, va txi kha vona: “Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta.

Isaya 66:21

Kambe ka vona, mi na teka vokari, kasi kuve vaphaxeli, ni kuva Valevhi, kuwomba Mkoma.

2 Makronika 35:3

A to gela Valevhi vava ti ningetako ka Mkoma avale va nga basiswa, va nga ti ni mthumo wo gondisa votshe va ka Israyeli, a txi khene: Wuletisani dibhokiso do sawuleka ka nyumba yi yi nga akwa ngu Solomoni, mwana Dhavhidha, mfumeli wa Israyeli; kha mi na mbi va ni mrwalo wuwa makatani kwanu. Konkuwa thumelani Mkoma, Txizimu txanu, ni vathu va txona va ka Israyeli.

Mitengo 7:9

Se vanana va ka Kohate, kha va nga ningwa txilo, nguko mthumo wawe i ti wo pakata siya so sawuleka.

2 Samuwele 6:13

Se ku to maheka taku, mbimo yile varwali va dibhokiso da Mkoma va nga tsimbila mtxhanu wa makando ni dimwedo, ene a to phaxa ngu tihomu ni marole o nona.

Eksodha 25:14

U na wuletisa mipakato aha ka masinda a dibhokiso, kasiku wu txi gulwa ngu yona.

Mitengo 3:6

“Tshuketisa lihunzu la ka Levhi, u li veka hawa ko vhunetela Aroni, mphaxeli: Vona va na thuma nayo;

Mitengo 3:9

Ti di ngeto, u nga ningela Valevhi ka Aroni ni ka vanana vakwe, ti to veva txiningo txawe; mthumo wa kona wu na thumela vanana va ka Israyeli.