1 Makronika 15:19 - Bhiblia Yo Sawuleka

¹⁹ Se vaembeleli i Hemani, ni Asafe, ni Etani, va ti veta titshodi ta msuku;

1 Makronika 15:19 Referans Kwoze

1 Makronika 25:6

Votshe vava, va ti ti didhawa ka tate, kasi kuva txi embelela, Nyumbani ka Mkoma, ngu tingoma, ni timbila, ni tiharipa, ka mthumo wa kukhozela Nyumbani ka Txizimu; se Asafe ni Jedhutumi, ni Hemani va ti didhawa ka mfumeli.

Masalmo 150:5

M'dhumiseni ngu kuveta sikhitsi so tuma; m'dhumiseni ngu kuveta sikhitsi so tuma ngutu!

1 Makronika 25:1

Se Dhavhidha kumweko ni vathangeli va dibutho da tiyimbi, va to sawula vanana va Asafe ka mthumo wa wukhozeli, ni vanana va Hemani, ni va Jedhutumi, kasi kuva txi embelela ngu tiharipa, ni timbila, ni tingoma; awuwa mtengo wa vathu vale va nga vekwa ka mthumo wa wukhozeli:

1 Makronika 16:42

Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.

1 Makronika 16:5

Mthangeli wa kona i ti Asafe, kulondeta Zakariya, se ngu msana ku to gameta Jeyeli ni Semiramoti, ni Jeyeli, ni Matitiya, ni Eliyabhe, ni Bhenaya, ni Obhedhi-Edhomi, ni Jeyeli, va di ni sitende ni timbila; se Asafe a ti veka titshodi.

1 Makronika 15:16

Se Dhavhidha a to womba ka vathangeli va Valevhi ta ku ve veka vanawe ka mthumo wa kuembelela, ngu sivetaveta, ni sitende, ni tiharipa, ni titshodi, kasi ku ve pfalisa, ve guleta mapswi ngu kutsaka.

1 Makronika 13:8

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.

1 Vafumeli 4:31

A ti tiziva ngutu kupinda votshe vathu, ni kupinda Etami, muezira, ni kupinda Hamani, ni Kalikoli ni Dhardha, i ku vanana va Maholi; se nduma yakwe yi to pfala ka matiko otshe ma nga ti madhawani kwakwe.

1 Makronika 15:18

Se vanawe va mtxawa wa wumbidi, ngu vava: Zakariya, ni Bhene, ni Jahaziyeli, ni Semiramoti, ni Jeyeli, ni Uni, ni Eliyabhe, ni Bhenaya, ni Mahaseya, ni Matitiya, ni Elifelewu, ni Mikineya, ni Obhedhi-Edhomi, ni Jeyeli, vawoneleli va txike.

1 Makronika 15:20

se Zakariya, ni Aziyeli, ni Semiramoti, ni Jeyeli, ni Uni, ni Eliyabhe, ni Mahaseya, ni Bhenaya, va ti veta timbila, txitimwi ka Alamote;

2 Makronika 7:6

Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.

2 Makronika 20:19

Sekoko Valevhi va vanana va ka Kohate ni vanana va Vakorayi va to guleta mapswi kasi kudhumisa Mkoma Txizimu txa Israyeli.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!