Biblia Todo Logo
Bib sou entènèt

- Piblisite -




1 Makronika 15:16 - Bhiblia Yo Sawuleka

16 Se Dhavhidha a to womba ka vathangeli va Valevhi ta ku ve veka vanawe ka mthumo wa kuembelela, ngu sivetaveta, ni sitende, ni tiharipa, ni titshodi, kasi ku ve pfalisa, ve guleta mapswi ngu kutsaka.

Gade chapit la Kopi




1 Makronika 15:16
38 Referans Kwoze  

Dhavhidha ni votshe va ka Israyeli va to tsaka masoni ka Txizimu, ngu wotshe mtamo wawe; na va txi embelela, va txi veta tiharipa ni timbila, ni singomana ni titshodi ni mipundu.


ni vanawe, i ku Semaya, ni Azareli, ni Milalayi, ni Gilalayi, ni Mahayi, ni Netaneli, ni Judha, ni Hanani, ni sivetaveta sa Dhavhidha, m'thu wa Txizimu; se Ezra, mabhalani, a ti thangete masoni kwawe.


Se votshe va ti ti veta ni kuembelela ngu dipswi dimwedo, va txi dhumisa ni kubonga Mkoma, va txi kha vona nguko mnene; nguko wunene wakwe wu zumba ngu ha ku si gwitiko, sekoko direfu dokari di to tata nyumba, Nyumba ya Mkoma.


ni 4.000 wa vawoneleli va sike, ni 4.000 wa vo dhumisa Mkoma ngu sivetaveta, sile ani ni nga si maha kasi kudhumisa ngu sona, kuwomba Dhavhidha.


Sekoko Hemani ni Jedhutumi, i ti vaveti va mipundu ni titshodi ta vaembeleli, ni sivetaveta sa m'zeno wa Txizimu; aniko vanana va Jedhutumi, i ti vawoneleli va txike.


Ni ku site kheyo Kreta, kasiku u txi sala u txi lulamisa ti ti fanelako kululamiswa, ni kuveka madhota a vathangeli ka txidhoropana txihi ni txihi, madingano ni ti ni nga kugondisa.


Ati u nga tiengisa kwangu masoni ka tifakazi ta tingi, ti veke manzani ka vavamna vo thembeka, ava va sikotako kugondisa vamwani.


Msana ka kuva va di vekile madhota masoni ka otshe mabanza, ngu ku va sanzeka manza ni ku va khongelela ni kutitona sakudya, va to va veka manzani ka Mkoma, awu va nga kholwa kwakwe.


Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.


Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.


Va na dhumise ditina dakwe ngu kusinya; va na embelele va txi veta sitende ni tingoma!


Embelelani ka Mkoma ngu litsako, anu vathu va dotshe ditiko!


Ngonani hi ta dhumisa Mkoma ngu mikulungwani ya litsako; a hi huweleleni m'vhikeli ni muhanyisi wathu.


Ava va embelelako ni va va sinyako va na kha vona: “Txisima txa otshe makatekwa athu txi maneka kwako.”


Embelelani, mi dhumisa Txizimu, m'vhikeli wathu! Pekani mikulungwani ya kutsakela Txizimu txa Jakobe!


Nguko ka masiku a Dhavhidha ni a Asafe, kukhukhela ka kale ku ti ti ni vathangeli va vaembeleli, ni tindando to dhumisa ni to bonga Txizimu.


Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.


Dianza da Txizimu di ti ti txitimwi ka vathu va ka Judha, di va ninga mbilu yimweyo yo maha kuruma ka mfumeli ni ka vathangeli madingano ni dipswi da Mkoma.


A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.


Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.


ni votshe vaembeleli i ku: Asafe, Hemani, ni Jedhutumi, ni vanana vawe ni vanawe, va di ambate syambalo sa linyu yo hehuka, va di emile ngu didhawa da wutxani ka txiluvelo, va di ni timbila ni sitende ni tingoma, se votshe vaphaxeli vo ziva ku txhaya va ti maha 120 wa vona.


Vaphaxeli, va ti ti emile madingano ni mitxawa yawe, kufana ni Valevhi va ti ti emile ngu mitxawa yawe va di ni timbila ati ti ngati longisetwe Mkoma, ati ti nga mahwa ngu mfumeli Dhavhidha, kasi kuva txi dhumisa ngu tona Mkoma va txi kha vona: Nguko lirando lakwe kha li na mbi guma; mbimo ayi Dhavhidha a nga ti dhumisa ngu mithumo yawe; vaphaxeli va ti ti txaya mipundu masoni kwawe, na votshe va ka Israyeli va ti emile.


Se ka mbimo ya kuningelisiswa ka diguma da Jerusalema, ku to lwa Valevhi ka otshe makhalo awe, kasi ku ta maha mthumo wo ningelisisa ngu kutsaka, va txi dhumisa, ni tindando, ni sitende, misengele ni tiharipa.


M'dhumiseni ngu kuveta sikhitsi so tuma; m'dhumiseni ngu kuveta sikhitsi so tuma ngutu!


mi embelela ngu mpfumawulo wa harpa, mi ti mahela sitxaya txaya sanu so embelela ku nga Dhavhidha:


Vanana va Levhi ngu vava: Gerisoni, Kohati, ni Merari.


Mthangeli wa kona i ti Asafe, kulondeta Zakariya, se ngu msana ku to gameta Jeyeli ni Semiramoti, ni Jeyeli, ni Matitiya, ni Eliyabhe, ni Bhenaya, ni Obhedhi-Edhomi, ni Jeyeli, va di ni sitende ni timbila; se Asafe a ti veka titshodi.


Sekoko Valevhi va vanana va ka Kohate ni vanana va Vakorayi va to guleta mapswi kasi kudhumisa Mkoma Txizimu txa Israyeli.


Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!


Swiv nou:

Piblisite


Piblisite