1 Makronika 15:15 - Bhiblia Yo Sawuleka

¹⁵ Se vanana va Valevhi, va to pakata dibhokiso da Txizimu, ngu tindonga tile ti nga ti txitimwi ka dona, madingano ni dipswi da Mkoma, ngu kuwomba ka Mosi.

1 Makronika 15:15 Referans Kwoze

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Mitengo 7:9

Se vanana va ka Kohate, kha va nga ningwa txilo, nguko mthumo wawe i ti wo pakata siya so sawuleka.

2 Makronika 5:9

Se siñolo sa dona si ti ti laphile, aha koza titshoka ta sona ti woneka ka wukhalo wo khongela ka wona, na u di ka wukhalo wo sawuleka ngutu; ani ngu hahanze si si woneki; si zumbile konaho, kala ka ditshiku da nyamsi.)

1 Vafumeli 8:8

Se minaneko yi di humelete hahanze, aha koza titshoka ta minaneko ti woneka ka wukhalo wo khongela ka wona, na u di ka wukhalo wo sawuleka ngutu; kambe ngu hahanze yi si woneki; se yi zumbile konaho, kala ka ditshiku da nyamsi.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

2 Samuwele 6:13

Se ku to maheka taku, mbimo yile varwali va dibhokiso da Mkoma va nga tsimbila mtxhanu wa makando ni dimwedo, ene a to phaxa ngu tihomu ni marole o nona.

1 Makronika 13:10

Sekoko kuhenya ka Mkoma ku to wukela Uza e m'daya, ngu kule a nga guleta dianza txitimwi ka dibhokiso; se a to fela koneho masoni ka Txizimu.

Dhewuteronome 10:8

Ngu ka yona mbimoyo ya yimweyo, Mkoma a to sawula nyumba ya ka Levhi, kasi kuva txi rwala dibhokiso da txitumelelano txa Mkoma, ni kumaneka masoni kwakwe va txi khozela Mkoma, va txi mthumela ni kukatekisa vathu ngu ditina dakwe, kala nyamsi.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.