1 Makronika 15:14 - Bhiblia Yo Sawuleka

¹⁴ Va to ti sawulekisa koko, Vaphaxeli ni Valevhi, kuva ve rwala dibhokiso da Mkoma, Txizimu txa Israyeli.

1 Makronika 15:14 Referans Kwoze

2 Makronika 29:34

Vaphaxeli i ti ti va dotho se va txi tandeka ku sunduwulela sotshe sihari sa mningelo wo hiswa. Se va to vhunetwa ngu vanawe va ka Levhi kala ku wotshe mthumo wu txi guma, ni kala ku vaphaxeli vamwani ni vona ve txi ti basisa, ngu ku Valevhi va ti ni timbilu to lulama kupinda vaphaxeli.

2 Makronika 29:15

Va to sengeleta vanawe, ve ti basisa se ve wuya mandingano ni kuruma ka mfumeli ngu dipswi da Mkoma, ve ta basisa Nyumba ya Mkoma.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

1 Makronika 15:15

Se vanana va Valevhi, va to pakata dibhokiso da Txizimu, ngu tindonga tile ti nga ti txitimwi ka dona, madingano ni dipswi da Mkoma, ngu kuwomba ka Mosi.

2 Makronika 5:11

Se ku to maheka ti to va txi huma vaphxeli ngu ka wukhalo wo sawuleka, (votshe vaphaxeli va va nga ti tiho, va ti ti basisile, va siye ngu mitxawa yawe),

Nehemiya 12:30

Se vaphaxeli ni Valevhi va to ti sawulekisa; koneko va to sawulekisa vathu, ni matimba ni diguma.