1 Makronika 15:13 - Bhiblia Yo Sawuleka

¹³ Ngako koko, anu mi nga mbi ti maha kukhatani, Mkoma a hi tsayisile, nguko kha ha mlava madingano ni kuleleta kwakwe.

1 Makronika 15:13 Referans Kwoze

2 Samuwele 6:3

Se dibhokiso da Txizimu va to di veka amu ka txikotxikani txa txiphya, ve di humisa nyumbani ka Abhinadhabhi, yi manekako Gebha; se Uza ni Ayo, vanana va Abhinadhabhi, va to tsimbitisa txikotxikani txa txiphya.

1 Vakorinto 14:40

Aniko totshe ti na mahwe ngu fanelo ni mlayo.

1 Vakorinto 11:2

Na mi bonga, vanathu, nguko ka sotshe ma ni alakanya, mi veketa sileleto kota nga ti ni nga mi gondisisa tona.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

1 Makronika 15:2

Sekoko Dhavhidha a to khene: Kha ku na m'thu a nga tekako dibhokiso da Mkoma, ngako i si nga Valevhi; nguko Mkoma a va sawute, kasi ku ve teka dibhokiso da Mkoma, ni ku mthumela kala kupinduka.

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Mitengo 7:9

Se vanana va ka Kohate, kha va nga ningwa txilo, nguko mthumo wawe i ti wo pakata siya so sawuleka.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

1 Makronika 13:3

se hi na wuyisa dibhokiso da Txizimu txathu; nguko kha ha di lava ka masiku a Sawule.