1 Makronika 15:1 - Bhiblia Yo Sawuleka

¹ Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

1 Makronika 15:1 Referans Kwoze

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

Masalmo 132:5

kala kuza ni txi lavela Mkoma wukhalo, nyumba yo zumbela ka wona Txizimu txa mtamo txa Jakobe.”

1 Makronika 15:3

Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.

Mithumo 7:46

ene Dhavhidha a mani kukateka masoni ka Txizimu, se e kombela dithomo do akela nyumba Txizimu txa Jakobe.

2 Samuwele 14:24

Se mfumeli a to khene: A na tshumela eya nyumbani kwakwe, a nga wone khohe yangu. Aniko Abhisalome koko a to tshumela e tsula nyumbani kwakwe, kambe kha wona khohe ya mfumeli.

2 Samuwele 5:9

Ngu kumaha keto, Dhavhidha a to zumba mkhokholani, e wu dhana ku Didhoropa da Dhavhidha; a to aka madhawani, kukhukhela Milo kala mndani ka dona.

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

1 Makronika 6:31

Avava koko, ngu vale Dhavhidha a nga va veka, ka mthumo wa wuembeleli Nyumbani ka Mkoma, msana ka kuva dibhokiso di di mani kuhumula.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.

2 Makronika 1:4

Aniko Dhavhidha a ti thavisile dibhokiso da Txizimu kona Kiriyate-Jeyarimi e di yisa ka wukhalo wule Dhavhidha a nga ti wu longisile; nguko a ti gwimbile ditenda kona Jerusalema.

2 Makronika 5:2

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vakoma va vatate, hagari ka vanana va ka Israyeli, kona Jerusalema, kasiku va txi kwelisa dibhokiso da txitumelelano txa Mkoma, ngu Didhoropani da Dhavhidha, i ku Siyoni, ve neha dithepelani.