1 Makronika 14:17 - Bhiblia Yo Sawuleka

¹⁷ Ngu kumaha keto, ditina da Dhavhidha di to hangalaka ka otshe matiko ale; se Txizimu txi to maha taku, e thaviseka txitimwi ka votshe vathu vale.

1 Makronika 14:17 Referans Kwoze

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Joxuwa 6:27

Mkoma a ti ti kumweko ni Joxuwa; se nduma yakwe yi ti ti hangalaka ka dotshe ditiko.

Masalmo 18:44

Ngu kupfa dipswi dangu, va na ni engisa; Vamatiko va na khoza kwangu.

2 Makronika 26:8

Va ka Amoni va to mu tisela simaha sokari va ta muha, se wudhumo wakwe u hangalaka kala mihinganoni ka Egipta, nguko i ti ti m'thu wa mtamo ngutu.

Joxuwa 9:24

Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.

Dhewuteronome 11:25

Kha ku na mbi va ni m'thu wo mi tsanela; Mkoma, Txizimu txanu, a na thela dizowa ni kudhudhumela ngu mhaka yanu, ka vathu va dotshe ditiko di mi no wulela ka dona, nga ti ene a nga mi gela.

1 Makronika 14:16

Se Dhavhidha a to maha nga tile Txizimu txi nga mleletisa tona; a to dayela dibutho da yimbi da Vafilista, kukhukhela Gibheyoni kala Gezeri.

1 Makronika 17:8

Ni ti ti kumweko ni nawe kotshe amu u nga ti tsimbila-tsimbila kona, aniko ni fuvisile votshe valala masoni kwako, ni mahile ti to ditina dako di fana ni ditina da vathangeli va vakuho ha mafuni.