1 Makronika 14:16 - Bhiblia Yo Sawuleka

¹⁶ Se Dhavhidha a to maha nga tile Txizimu txi nga mleletisa tona; a to dayela dibutho da yimbi da Vafilista, kukhukhela Gibheyoni kala Gezeri.

1 Makronika 14:16 Referans Kwoze

Johani 15:14

Anu mi vangana vangu, ngako mi txi maha totshe ti ni mi rumako.

Johani 13:17

Ngako mi txi tiziva tiya ni ku ti thuma, mi katekile.”

Genesisi 6:22

Nowa a to maha toneto; totshe ti Txizimu txi nga mruma tona, ene a ti mahile.

Johani 2:5

Se Mame wakwe a to gela sithumi, a txi khene: “Mahani totshe ti a no mi gela.”

1 Makronika 6:67

Nguko va ningilwe madhoropa a wuthavelo, Sikemi, ni tibala ta kona, mimangoni ka Efrayime, kumweko ni Gezeri ni tibala ta kona,

Joxuwa 16:10

Kambe kha va tovela vanana vale va nga ti akile Gezeri; kambe Vakanana va zumbile hagari ka lihunzu la vanana va ka Efrayime kala ka ditshiku da nyamsi, va txi maha Vaisrayeli va ku va thumela.

2 Samuwele 5:25

Se Dhavhidha a to maha nga tile Mkoma a nga mleletisa tona; a to dayela Vafilista kukhukhela Gebha kala Gezeri.

1 Makronika 14:15

se mbimo yi mi no pfa sigingi sa mikondo amu ka mazokoro a mimora, sekoko huma u yalwa; nguko Txizimu txi na va txi di thangete masoni kwako, txi dayela dibutho da yimbi da Vafilista.

1 Makronika 14:17

Ngu kumaha keto, ditina da Dhavhidha di to hangalaka ka otshe matiko ale; se Txizimu txi to maha taku, e thaviseka txitimwi ka votshe vathu vale.

Isaya 28:21

Nguko Mkoma a na khukha kufana ni mmangoni ka Perazimi, kambe a na henya, nga tile a nga maha mkovani ka Gibheyoni, kasi kumaha mthumo wakwe, mthumo wakwe wo mbi toloveleka, ni kumaha mthumo, mthumo wakwe wo xamalisa.

1 Makronika 20:4

Se msana keto, ku to maheka taku, kuwuka yimbi yo kulwa ni Vafilista kona Gezeri, sekoko Sibhekayi, m'husati, a to daya Sipayi, wa vanana va Rafa; se Vafilista va to khoziswa.