1 Makronika 14:15 - Bhiblia Yo Sawuleka

¹⁵ se mbimo yi mi no pfa sigingi sa mikondo amu ka mazokoro a mimora, sekoko huma u yalwa; nguko Txizimu txi na va txi di thangete masoni kwako, txi dayela dibutho da yimbi da Vafilista.

1 Makronika 14:15 Referans Kwoze

Mithumo 2:2

Ngu txidhukisa, ku to pfala txiwuta, txi txi ta ngu nzumani, txo fana ni kufuteta ka diphuho da txihuhuri txa mtamo, txi nga tata yotshe nyumba yi, va nga ti ka yona.

Isaya 13:4

Se ka pfala diguwa da vathu txitimwi ka mimango, do fana ni da dibutho da hombe da vathu, dipswi da mifumo ya matiko ma nga sengeletana. Mkoma wa Mabutho a Tiyimbi, wa xola dibutho da yimbi.

2 Vafumeli 19:7

Wona ati to ni na thela moya kwakwe, se ene a na pfa diguwa, a na tshumelela ditikoni kwakwe; ngu ditxhari ni na mmaha ewa ditikoni kwakwe.

2 Vafumeli 7:6

Nguko Mkoma a to maha ti to Vasiriya ve pfa diguwa da sikotxikani ni mahantxhi, ku nga ova diguwa da dibutho da hombe; veza va txi kha vona hagari kwawe: Hi nga wonani mfumeli wa ka Israyeli, a ti ya xava vafumeli va Vaheti ni va Vaegipta, ku ta hi lwisa.

Valamuli 7:15

Se a di gwitile kuengisa kuxawutelwa ka mloro ni txhamuselo ya kona, Gidhiyoni a to khizama e khozela, se e tshumelela wugoveloni ka va ka Israyeli, a txi ya kha ene: “Khukhani! Nguko Mkoma a ningete manzani kwanu yotshe yimbi ya Vamidhiyani.”

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.

Valamuli 4:14

Sekoko Dhebhora a to khene ka Bharake: Ti lulamisele nguko nyamsi ngu dona ditshiku di Mkoma a no ningela Sisera manzani kwako. Ina Mkoma hi nga ene a thangelako masoni kwako kani? Konaho Bharake a to relela ngu mangoni ka Tabhori ni 10.000 wa vavamna.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

2 Samuwele 5:23

Se Dhavhidha a to wotisa ka Mkoma, se Mkoma e m'gela ku khene: U nga kwelele; aniko va randele ngu msana kwawe, se u naya tshangana navo ngu masoni ka mimora.

1 Makronika 14:14

Se Dhavhidha a to engeta kambe e wotisa ka Txizimu; se Txizimu txi m'gela ku kha txona: Khu na mbi va londeta; aniko va randele ngu msana kwawe, u na ya tshangana navo ngu masoni ka mimora;

1 Makronika 14:16

Se Dhavhidha a to maha nga tile Txizimu txi nga mleletisa tona; a to dayela dibutho da yimbi da Vafilista, kukhukhela Gibheyoni kala Gezeri.

Dhewuteronome 20:4

Mkoma, Txizimu txanu koko, a tsimbila kumweko ni nanu, kasi kulwa ni valala vanu, a txi mi ninga kuxula.”