1 Makronika 14:11 - Bhiblia Yo Sawuleka

¹¹ Se a di kwelete eya Bhahali-Perazimi, Dhavhidha a to va dayela koneyo; se a txi khene: Ngu dianza dangu, Txizimu txi hangalasile valala vangu, ku nga kuhangalaka ka mati. Ngu kumaha keto, wukhalo wule wu to dhanwa ku i Bhahali-Perazimi.

1 Makronika 14:11 Referans Kwoze

Isaya 28:21

Nguko Mkoma a na khukha kufana ni mmangoni ka Perazimi, kambe a na henya, nga tile a nga maha mkovani ka Gibheyoni, kasi kumaha mthumo wakwe, mthumo wakwe wo mbi toloveleka, ni kumaha mthumo, mthumo wakwe wo xamalisa.

Eksodha 14:28

Mbimo yi mati ma nga tshumela me teka txikale txa ona, ma to mita sikotxikani, vagadhi va mahantxhi, ni mahantxhi a kona, ni dotshe dibutho da yimbi ya Faro, yi yi nga ti va londetile mu lineneni yi txi va hinga, kambe kha ka huluka ni wammweyo.

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Masalmo 144:10

Awe u ningako vafumeli mtamo wa kuxula, u ponisako txithumi txako Dhavhidha, ka ditxhari di dayako

Jobe 30:14

Va ni telisa ku nga vo wulela ngu lifa la hombe ve rindilikela hagari ka marumbi.

2 Samuwele 5:20

Sekoko Dhavhidha a to tsula Bhahali-Perazimi, eya va dayela koneyo, Dhavhidha a txi khene: Mkoma a hangalasile valala vangu masoni kwangu, ku nga wule a hangalasako mati. Ngu kumaha keto, wukhalo wule a to wu dhana ku i Bhahali-Perazimi.

Masalmo 144:1

A na dhumiswe Mkoma i ku dirigwi dangu! Awu a gondisako manza kulwa, ni titiho tangu kuya yimbini.

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

1 Makronika 14:10

Sekoko Dhavhidha a to wotisa ka Txizimu, a txi khene: Ni na kwelela ni yalwa ni Vafilista, ina u na va ningela manzani kwangu kani? Se Mkoma a to khene: Kwelela, nguko ni na va ningela manzani kwako.

1 Makronika 14:12

Se va to siya sizimu sawe koneho; kambe Dhavhidha a to leleta taku si hiswa ngu mndilo.