1 Makronika 13:6 - Bhiblia Yo Sawuleka

⁶ Sekoko Dhavhidha ni votshe va ka Israyeli, va to kwelela Bhahala veya Kiriyate-Jeyakimi, ku manekako Judha, kasi ku ya guleta dibhokiso da Txizimu, Mkoma wu a zumbako hagari ka makerubhima, aha txitimwi ka dona kudhanwako ditina dakwe.

1 Makronika 13:6 Referans Kwoze

Joxuwa 15:9

Kukhukhela txitimwi ka muhingano wu komba kuya mlongani ka mati a Neftowa, wu txi komba kuya madhoropani ka mmango wa Efroni, wu tshumela wu txi komba kuya Bhahala i ku Karime-Tiyarime.

2 Vafumeli 19:15

A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.

Eksodha 25:22

Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

Joxuwa 15:60

Kariyati-Bhahali i ku Kariyati-Jarimu ni Rabha: Mambidi madhoropa ni sidhoropana sa kona.

Isaya 37:16

O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.

Mitengo 6:27

Ngu kumaha keto, ditina dangu, di na va txitimwi ka vanana va ka Israyeli, se ani ni na va katekisa.

Eksodha 23:21

Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Eksodha 20:24

U na ni akela txiluvelo ngu mafu, txitimwi ka txona u na maha miphaxo yako yo hiswa ni ya kudhumisa, ni timhamba ta tinvuta tako ni ta tihomu tako. Kotshe amu ditina dangu di no alakanywa kona, ni nata kwako ni ta kukatekisa.

Joxuwa 9:17

Nguko mbimo yi va nga khukha vanana va ka Israyeli, va to hoka madhoropani kwawe ngu ditshiku da wuraru; se madhoropa a kona ngu awa: Gibheyoni, Kefira ni Bheherote, ni Kiriyate-Jeyarimi.

1 Samuwele 6:21

Va to rumela mitumi koko, ka vaaki va Kiriyate-Jeyarimi, va txi kha vona: Vafilista va wuyisile dibhokiso da Mkoma; relelani koko, mi ya di teka mi tsula nado.