1 Makronika 13:5 - Bhiblia Yo Sawuleka

⁵ Dhavhidha koko a to sengeleta votshe va ka Israyeli, kukhukhela Siyori wa Egipta kala Hamati, kasi ku veya teka dibhokiso da Txizimu, kona Kiriyate-Jeyarimi.

1 Makronika 13:5 Referans Kwoze

1 Samuwele 6:21

Va to rumela mitumi koko, ka vaaki va Kiriyate-Jeyarimi, va txi kha vona: Vafilista va wuyisile dibhokiso da Mkoma; relelani koko, mi ya di teka mi tsula nado.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.

2 Samuwele 6:1

Dhavhidha a to sengeleta kambe votshe vale va nga sawulwa ka Israyeli, ngu mtengo wa 30.000.

1 Makronika 15:3

Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.

1 Makronika 13:6

Sekoko Dhavhidha ni votshe va ka Israyeli, va to kwelela Bhahala veya Kiriyate-Jeyakimi, ku manekako Judha, kasi ku ya guleta dibhokiso da Txizimu, Mkoma wu a zumbako hagari ka makerubhima, aha txitimwi ka dona kudhanwako ditina dakwe.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

1 Vafumeli 4:21

Solomoni a ti ti khozisa yotshe mifumo kukhukhela mnamboni ka Ewufrate, kala ditikoni ka Vafilista, kala magwito ka Egipta; va ti mluva ni ku mthumela ka otshe masiku a kuhanya kwakwe.

Jeremiya 2:18

U tsimbilela txani ngu nzila ya Egipta, kuya sela mati a Nilo kani? U tsimbilela txani ngu nzila ya Asiriya kuya sela mati a mnambo kani?

Joxuwa 9:17

Nguko mbimo yi va nga khukha vanana va ka Israyeli, va to hoka madhoropani kwawe ngu ditshiku da wuraru; se madhoropa a kona ngu awa: Gibheyoni, Kefira ni Bheherote, ni Kiriyate-Jeyarimi.

1 Samuwele 7:1

Sekoko vathu va Kiriyate-Jeyarimi va to ta, ve ta teka dibhokiso da Mkoma, ve tsula nado nyumbani ka Abhinadhabhi, mmangoni; se va to sawulekisa Eleyazari, mwana Abhinadhabhi, kuva mxayisa wa dibhokiso da Mkoma.

1 Makronika 13:4

Sekoko wotshe msengeletano wu to kha wona, ti na mahise toneto; nguko mhaka yiya, yi to maneka i di ya yinene masoni ka votshe vathu.

Isaya 23:3

Se thomba yakwe i ti ti mbewu ya mnamboni, yi nga ti tita ni mati amangi, ni sa kufunyelwa mnamboni ka Nilo; kambe ene i ti ti txikombiso txa matiko.

1 Samuwele 7:2

Se ku to maheka tito, kukhukhela ka ditshiku dile, dibhokiso di to zumba Kiriyate-Jeyarimi, kupinda masiku o tala, kala kuhoka magumi mambidi a malembe; se yotshe nyumba ya ka Israyeli yi to dila ka Mkoma.