1 Makronika 12:8 - Bhiblia Yo Sawuleka

⁸ Se ka va ka Gadhi, vale va nga ya ti pata ni Dhavhidha mkhokholani ka txiwulani, vavamna va mtamo, vavamna vo ziva kulwa yimbi, va ñolako sivhikelo ni miseve; tikhohe tawe ti ti fana ni tikhohe ta tingonyamo, vo tutuma kufana ni timhoti txitimwi ka mimango;

1 Makronika 12:8 Referans Kwoze

2 Samuwele 2:18

Ku ti ti ni vanana vararu va Zeruiya koneyo, i ku Jowabhi, ni Abhixayi, ni Asayeli; se Asayeli a ti ti ni livilo ngutu kufana ni timhoti to zumba txitingani.

2 Samuwele 23:20

Ni Bhenaya mwana Joyadha, mwanana wa ndena ya Kabhizeyeli, wa hombe ka mithumo yakwe, a to daya tingonyamo timbidi ta mtamo ta Mowabhi; ngene a nga relela eya daya ngonyamo hagari ka diphala, ngu mbimo ya hunguva.

2 Samuwele 17:10

Sekoko hambi wamwamna wa mtamo, wa mbilu yo nga ya ngonyamo, kha ditshuri a na tsivala; nguko votshe va ka Israyeli va tiziva ti to tate wako a ni mtamo, ni vavamna vale a ku navo va ni mtamo.

Jeremiya 46:9

Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Ndando ya Tindando 8:14

Ngono ngu kukuluveta txirandwa txangu, tutuma kufana ni txipene mwendo mbavala, txitimwi ka mimango ya so bhumulisa.

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Mavingu 6:5

ti txhatxhise, kufana ni mhoti manzani ka mxoti, ni ku nga txinyana manzani ka mriyeli.

2 Makronika 25:5

Se Amaziya a to sengeleta va ka Judha e va veka madingano ni tinyumba ta vatate vawe, vathangeli va makhulu ni va mazana ka dotshe ditiko da va ka Judha ni da Bhenjamini; e bala kukhukhela ka 20 wa malembe kuya masoni, e mana 300.000 wa vavamna va va sikotako kuxoma matxhari ni kuteka sivhikelo veya yimbini.

1 Makronika 12:16

Vanana vokari va ka Bhenjamini ni va ka Judha, ni vona va toya mkhokholani ka Dhavhidha.

1 Makronika 11:22

Ni Bhenaya, mwana Joyadha, mwanana wa wamwamna wa ndena, wa hombe ka mthumo wa Kabhizeyeli; a to daya tingonyamo timbidi ta mtamo ta Mowabhi; ngene a nga relela eya daya ngonyamo mndani ka diphala, ngu mbimo ya hunguva.

1 Makronika 11:16

Sekoko ka mbimo yoneyo Dhavhidha a ti ti mkhokholani, dizumbo da Vafilista di ti ti Bhetlehema.

2 Samuwele 1:23

Sawule ni Jonatani va ti ti dhundana ni kurandana ngutu kuhanyani kwawe, hambi kufani kwawe kha va hambana! Va ti ti ni livilo ngutu kupinda magama, ni mtamo ngutu kupinda tingonyamo.

1 Samuwele 24:22

Sekoko Dhavhidha a to xambanya ka Sawule. Se Sawule e khukha e tsula m'tini kwakwe, kambe Dhavhidha ni vathu vakwe va to kwelela veya mikhokholani.

1 Samuwele 23:29

Se Dhavhidha a to kwelela eya zumba mikhokholani ka Eni-Gedhi.

1 Samuwele 23:14

Se Dhavhidha a to zumba txiwulani, ka mikhokhola, a to ya ka mmango wa txiwulani ka Zifi; se Sawule a to mlavetela masiku otshe, aniko Txizimu txi ya mningela manzani kwakwe.

1 Makronika 12:7

ni Joyela ni Zebhadhiya, vanana va Jerowamu, wa Gedhori.

1 Makronika 12:9

mthangeli i ti ti Eseri, kulondeta Obhadhiya, wa wuraru i ti Eliyabhe,