1 Makronika 12:39 - Bhiblia Yo Sawuleka

³⁹ Se va to ya zumba koneyo masiku mararu, kumweko ni Dhavhidha, va txi dya, ve sela; nguko vanawe va ti va longisete sotshe.

1 Makronika 12:39 Referans Kwoze

2 Samuwele 19:42

Sekoko votshe vathu va ka Judha va to xamula ka vathu va ka Israyeli, va txi kha vona: Nguko mfumeli dixaka dathu; se mi henyela txani ngu eto kani? Ina hi to dya mtamo wa mfumeli, mwendo kuningwa txokari ngu ngene kani?

2 Samuwele 6:19

Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.

Genesisi 31:54

Jakobe a to phaxa mhamba txitimwi ka mmango, e dhana va ka kwawe ve ta dya sakudya. Vona va dyite, va txi otela kona mmangoniyo.

Genesisi 26:30

Sekoko Isaake a to va lulamisela m'buso, se vona ve dya, ve sela.

1 Makronika 12:38

Votshe vavamna vava va yimbi, va nga ti emisilwe ngu titxhatxha ta yimbi, ngu timbilu totshe, va to ta Hebroni ku ta emisa Dhavhidha kuva mfumeli, txitimwi ka votshe va ka Israyeli; ni votshe va ka Israyeli, vale va nga ti sate va ti ni mbilu yimweyo yo emisa Dhavhidha kuva mfumeli.

1 Makronika 12:40

Ni vaakelani vawe, kala kuya hoka ka va ka Isakari, ni Zebhuloni, ni Naftali, va yisile sakudya ngu timbongola, ni makamelu, ni mamula, ni tihomu, ve tisa ni mpupu, ni sirundu sa makuwu a kuoma, ni mihando ya mauvha a kuoma, ni vhinya, ni mtona, ni tihomu, ni tinvuta to tala ngutu, nguko ku ti ni kutsaka kona Israyeli.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

1 Makronika 11:10

Avava ngu vona vathangeli va tindena, vale Dhavhidha a nga ti navo, vale va nga m'vhunetela ngutu ka mfumo wakwe, ni votshe va ka Israyeli, kasi ku mmaha mfumeli, madingano ni dipswi da Mkoma, ngu Israyeli.