1 Makronika 12:23 - Bhiblia Yo Sawuleka

²³ Awuwa mtengo wa vathangeli vale va nga ti xomile matxhari, vale va nga ya ka Dhavhidha kona Hebroni, kuya mninga mfumo wa Sawule, madingano ni dipswi da Mkoma.

1 Makronika 12:23 Referans Kwoze

1 Makronika 11:10

Avava ngu vona vathangeli va tindena, vale Dhavhidha a nga ti navo, vale va nga m'vhunetela ngutu ka mfumo wakwe, ni votshe va ka Israyeli, kasi ku mmaha mfumeli, madingano ni dipswi da Mkoma, ngu Israyeli.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

1 Samuwele 16:3

Se ka mphaxo wa kona u na ramba Jese; se ani ni na kugela ti u felako kumaha tona, aniko u na tota mafura awule ani ni no kugela ene.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

1 Makronika 10:14

aniko kha lava Mkoma, ngu toneto, Mkoma a to m'daya, e teka mfumo wakwe e ningela ka Dhavhidha, mwana Jese.

2 Samuwele 3:18

Mmaheni koko mfumeli konkuwa, nguko Mkoma a wombile ka Dhavhidha, a txi khene: Ngu dianza da txithumi txangu Dhavhidha, ni na txhatxhisa vathu vangu manzani ka Vafilista, ni manzani ka votshe valala vawe.

1 Makronika 12:24

Vanana va ka Judha vale va nga ti ñote sivhikelo ni miseve i ti ti 6.800, va nga ti xomile kuya yimbini.

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.