1 Makronika 12:22 - Bhiblia Yo Sawuleka

²² Nguko ka mbimo yoneyo, ditshiku ni ditshiku, ku ti ti ta vathu ka Dhavhidha, kasi ku m'vhunetela, kala kuza di maha dibutho da hombe da yimbi, kufana ni dibutho da yimbi da Txizimu.

1 Makronika 12:22 Referans Kwoze

2 Samuwele 3:1

Se ku to maneka kulwa ka hombe hagari ka nyumba ya ka Sawule ni ya ka Dhavhidha; kambe Dhavhidha a to simama e va ni mtamo, aniko nyumba ya ka Sawule yi to guma mtamo.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Genesisi 32:2

Mbimo yi Jakobe a nga ti wona a ti khene: “Ndide dibutho da Txizimu!” Wukhalo wuwa a to wu raya ditina daku i Mahanayime.

Masalmo 148:2

Mu dhumiseni, motshenu tingelozi takwe; mu dhumiseni, motshenu sivangwa sa nzumani!

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

1 Samuwele 29:10

Konkuwa koko, Vindukela mangwana ni mixo kumweko ni sithumi sa nyamne wako, sile u nga ta naso; mi di vindukete mangwana ni mixo, na ditambo di txi huma, tsulani.

1 Samuwele 30:1

Ku to maheka koko taku, mbimo yile Dhavhidha ni vathu vakwe va nga hoka didhoropani ka Zikilage ngu ditshiku da wuraru, Vaamaleki va ti xasete Wulambwe ni didhoropa da Zikilage, va ti hoxotile didhoropa da Zikilage, ve di hisa ngu mndilo.