1 Makronika 12:20 - Bhiblia Yo Sawuleka

²⁰ Mbimo yi koko Dhavhidha a nga ya Zikilage, ku to ti ningela kwakwe va ka Manasi, i ku vava: Adhina, ni Jozabhadhi, ni Jedhiyayeli, ni Mikayeli, ni Jozabhadhi, ni Eliwu, ni Ziletayi, vathangeli va magumi a mazana a va ka Manasi.

1 Makronika 12:20 Referans Kwoze

1 Samuwele 29:11

Sekoko Dhavhidha a to phindula ngu mabimbi-kutxa ene ni vathu vakwe, kasiku ve khukha ni mixo, ve tshumelela ditikoni ka Vafilista; se Vafilista va to kwelela veya Jezireyeli.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

Dhewuteronome 1:15

Ni tekile vathangeli va tihunzu tanu, vathu vo ziva, ni mapimo, ni txi va maha vathangeli vanu: Vathangeli va 1.000, vathangeli va dizana, vathangeli va mtxhanu wa magumi, ni vathangeli va digumi, ni vaxayisi va tihunzu tanu.

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

1 Samuwele 29:3

Sekoko vathangeli va Vafilista va to kha vona: Va maha txani Vahebheru vava hawa kani? Se Akisi a to khene ka vathangeli va Vafilista: I na hi nga Dhavhidha wuwa, txithumi txa Sawule, mfumeli wa Israyeli, wule a nga zumba ni nani masiku okari mwendo malembe kani? Kha na mana txionho ni txa tximwetxo kwakwe, kukhukhela ka ditshiku dile a nga ta ngu dona kala ka ditshiku da nyamsi.

1 Makronika 8:20

ni Eliyenayi, ni Ziletayi, ni Eliyeli,

1 Makronika 12:19

Vokari va ka Manasi, va to ti ningela ka Dhavhidha, mbimo yile a nga xoma ni Vafilista, ku yalwa ni Sawule, hambi ku va nga mbi vhunetela Vafilista; nguko vathangeli va Vafilista va to maha txikungo txo mtshumeta, va txi kha vona: A na ya pinda eya ka nyamne wakwe Sawule, e beta misungo yathu.

1 Makronika 12:21

Se va to vhunetela Dhavhidha kulwa ni masotxhwa ale, nguko votshe i ti tindena ta mtamo, ni vathangeli va dibutho da yimbi.

1 Samuwele 29:4

Kambe vathangeli va Vafilista va to muhenyela ngutu, va txi kha vona kwakwe: Tshumeta m'thu wuwa, eya ka wukhalo wakwe, wule awe u nga m'veka ka wona, a nga tsule ni nathu yimbini, kasiku asi hinduluki e maha mlala wathu yimbini; nguko a na divaleliswa kutxani ngu nyamne wakwe kani? Ina hi nga ngu kuningela misungo ya vathu vava kani?