1 Makronika 12:2 - Bhiblia Yo Sawuleka

² Va ti xomile ngu wulaho, va ti thumisa dianza da txinene ni da txibhabha kurinza ngu ona marigwi, ni kukhwinza ligove ngu wulaho; avava i ti vanawe va Sawule, va ka Bhenjamini.

1 Makronika 12:2 Referans Kwoze

Valamuli 20:16

Hagari ka votshe vathu vava, ku ti ti ni 700 wa vavamna va nga sawulwa, vo thumisa txibhabha, avale votshe va nga txi khwinza dirigwi ngu txibhalakaza, va si hosi ni msisi ni wumwewo.

Valamuli 3:15

Sekoko vanana va ka Israyeli va to peka huwa ka Mkoma, se Mkoma a to va wusela mtxhatxhisi, i ku Ewudhi, mwana Gera, wa ka Bhenjamini, wamwamna wa libhabha. Se vanana va ka Israyeli va to rumela txiningo ngu dianza da Ewudhi ka Egloni, mfumeli wa Vamowabhi.

1 Makronika 12:29

Ka vanana va ka Bhenjamini, vanawe va Sawulei, kutota 3.000, nguko kala ka mbimo yoneyo wungi wawe va ti ti lumba nyumba ya Sawule;

1 Samuwele 17:49

Se Dhavhidha a to wuletisa dianza amu ka mrava, e teka dirigwi, e di rinza ngu txibhalakaza, e faya Mufilista ha ka mbanza; se dirigwi di to nyuvela amu ka mbanza, e wa hahatshi ngu khohe yakwe.

1 Makronika 12:3

Ayiyezeri, mthangeli, ni Jowa, vanana va Semaha, Mugibheya; Jeziyeli ni Peleti, vanana va Azimavhati; ni Bheraka, ni Jewu, Muanatoti;

Masalmo 78:9

Vathu va nyumba ya ka Efrayime, va nga ti xomile malaho ni tingove, va to tutuma ve thava ka ditshiku da yimbi;

1 Makronika 8:40

Se vanana va Ulami i ti vavamna va tindena, va mtamo, vafuli va wulaho; va to veleka vanana votala, se vatukulu vawe i ti 150 wa vona; votshe vava i ti vanana va ka Bhenjamini.