1 Makronika 12:19 - Bhiblia Yo Sawuleka

¹⁹ Vokari va ka Manasi, va to ti ningela ka Dhavhidha, mbimo yile a nga xoma ni Vafilista, ku yalwa ni Sawule, hambi ku va nga mbi vhunetela Vafilista; nguko vathangeli va Vafilista va to maha txikungo txo mtshumeta, va txi kha vona: A na ya pinda eya ka nyamne wakwe Sawule, e beta misungo yathu.

1 Makronika 12:19 Referans Kwoze

1 Samuwele 29:10

Konkuwa koko, Vindukela mangwana ni mixo kumweko ni sithumi sa nyamne wako, sile u nga ta naso; mi di vindukete mangwana ni mixo, na ditambo di txi huma, tsulani.

1 Makronika 12:20

Mbimo yi koko Dhavhidha a nga ya Zikilage, ku to ti ningela kwakwe va ka Manasi, i ku vava: Adhina, ni Jozabhadhi, ni Jedhiyayeli, ni Mikayeli, ni Jozabhadhi, ni Eliwu, ni Ziletayi, vathangeli va magumi a mazana a va ka Manasi.

Genesisi 43:23

Ene a to khene: “Kuthutha ku nave ni nanu, mi nga thaveni; Txizimu txanu, i ku Txizimu txa tate wanu, ngu txona txi nga mi vekela thomba masakani kwanu; male yanu yi hokile kwangu.” Se a to humisa Simiyoni a txi mtisa kwawe.

Valamuli 6:34

Sekoko Moya wa Mkoma, wu to ta ka Gidhiyoni; ene a to veta mpundu, a txi ramba va ka Abhiyezeri kasi kuve tshangana kwakwe.

2 Samuwele 17:25

Se Abhisalome a to veka Amasa kuva mthangela wa wugovelo ka wukhalo wa Jowabhi. Kambe Amasa i ti ti mwanana wa wamwana wule ditina dakwe i nga ti ti Itra, Muisrayeli, awule a nga ti tekani ni Abhigayeli, mwana Nahasi, mwanawe wa Zeruiya, mame wa Jowabhi.

Zakariya 8:2

A womba tiya Mkoma wa Mabutho a Tiyimbi: Ni wonelete Siyoni, ngu kuwonelela ka hombe, kambe ngu kuhenya ka hombe, ni kuhiseka.