1 Makronika 12:18 - Bhiblia Yo Sawuleka

¹⁸ Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.

1 Makronika 12:18 Referans Kwoze

Valamuli 6:34

Sekoko Moya wa Mkoma, wu to ta ka Gidhiyoni; ene a to veta mpundu, a txi ramba va ka Abhiyezeri kasi kuve tshangana kwakwe.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

2 Samuwele 17:25

Se Abhisalome a to veka Amasa kuva mthangela wa wugovelo ka wukhalo wa Jowabhi. Kambe Amasa i ti ti mwanana wa wamwana wule ditina dakwe i nga ti ti Itra, Muisrayeli, awule a nga ti tekani ni Abhigayeli, mwana Nahasi, mwanawe wa Zeruiya, mame wa Jowabhi.

Rute 1:16

Aniko Rute a to khene: U nga ni kurumete ti to ni kuleka, ni hambana ni nawe; nguko, ni hayi u no ya kona, nani ni na ya konaho, ni ha u no ya zumba kona wusiku wuwa, ni na ya zumba konaho; vathu vako, mbathu vangu, Txizimu txako, Njizimu txangu.

Vagalatiya 6:16

Kurula ni wumbilu si nave txitimwi ka votshe vale va hanyako wutomi wawe madingano ni mlayo wuwa, ni ka votshe vanana va ka Israyeli wa Txizimu.

Matewu 12:30

Awu asi emiko ni nani, walwa ni nani; ani wu asi sengeletiko ni nani, wa hangalasa.”

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

1 Makronika 2:17

Se Abhigayeli a to veleka Amasa; kambe tate wa Amasa i Jeteri, Muismayeli.

2 Vafumeli 10:5

Sekoko awule a ngadi mxayisi wa nyumba, ni mthangeli wa didhoropa, ni madhota, ni vaxayisi, va to rumela ka Jehu dipswi do kha vona: Sithumi sako ngu ngathu, ni tihi ti u no hi ruma hi na maha; kha hi nga ni mmwani wo mfumisa; maha ti u no ti wona masoni kwako.

2 Vafumeli 9:32

Jehu a to guleta khohe e wona difasitela, a nje khene: I mani eyo didhawa kwangu kani? I mani? Se mithenwa yimbidi mwendo yiraru, yi to muwona ngu ha ka difasitela.

1 Vafumeli 9:22

Sekoko ka vanana va ka Israyeli, kha ku nga ni wammweyo a nga mahwa khumbi ngu Solomoni; i ti ti valwi va yimbi, ni sithumi sakwe, ni vathangeli vakwe, ni vathangeli va tiyimbi, ni vathangeli va sikotxikani ni vagadhi va mahantxhi akwe.

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

2 Samuwele 19:13

Se ka Amasa, mi na khanu: Ina hi ngawe dirambu dangu ni nyama yangu kani? Txizimu txi na ni mahele ni tihi, ngako u si mahi mthangeli wa wugovelo masoni kwangu yotshe mbimo, ka wukhalo wa Jowabhi.

2 Samuwele 15:21

Kambe Itayi a to xamula mfumeli, a txi khene: Hanya Mkoma, ni kuhanya mfumeli, nyamne wangu, ti to kotshe mu mfumeli, nyamne wangu, a noya kona, mwendo kufani, mwendo ngu hanyani, ngu ditshuri txithumi txako txi na va koneho.

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

1 Samuwele 22:7

Sekoko Sawule a to khene ka sotshe sithumi sakwe sile si nga ti kumweko nayo: Ni engiseni, na mikombela, anu vanana va ka Bhenjamini, ina mwanana wa Jese a na mininga anu motshenu, tithembwe ni mivhinya, ni ku motshenu e mi maha vathangeli va digumi da mazana ni vathangeli va mazana,

1 Samuwele 8:12

Se a na va veka kuva vathangeli va magumi a mazana ni va mtxhanu wa magumi; ni kuva vadimi va tithembwe takwe, ni kuelula siyalo sakwe, kambe va na mmahela matxhari a yimbi ni tisimbi ta sikotxikani sakwe.

Valamuli 13:25

Se Moya wa Mkoma wu to khata ku muhumela a di digoveloni ka Dhani, hagari ka Zora ni Exitawoli.

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?

1 Makronika 11:11

Se mtengo wa tindena tile Dhavhidha a nga ti nato, ngu wuwa: Jasobheyami, Muhakimoni, mthangeli wa hombe wa tindena, awule mbimo yi a nga ndiwita mseve wakwe, a nga daya 300 wa vavamna ngu txikhati tximwetxo.

1 Makronika 12:17

Se Dhavhidha a to huma eya womba-womba navo, a txi khene: Ngako anu mi txi ta kwangu ngu kudikha ku ta ni vhuna, mbilu yangu yi na ti pata ni nanu; kambe ngako mi txi lava ku ta ni ningela ka valala vangu, ni sa onha txilo ngu manza angu, Txizimu txa vatate vathu txi na ti wone, txi lamula.

1 Samuwele 16:5

Se ene a to khene: Ni ta ngu kudikha; ni tete ku ta phaxela ka Mkoma. Ti sawulekiseni mi tsula ni nani mphaxoni. Se a to sawulekisa Jese ni vanana vakwe, e va ramba ku veya mphaxoni.

1 Samuwele 24:12

Mkoma a na lamule hagari kwangu ni nawe, ni ku ni photela kwako; kambe dianza dangu kha di na mbi kuwukela.

1 Samuwele 24:13

Kufana ni kuwomba ka vakale va nga kha vona: Wubihi wu huma ngu ka vabihi; kambe dianza dangu kha di na mbi kuwukela.

1 Samuwele 24:16

Se ku to maheka ti to a di hetile Dhavhidha kuwombawomba ni Sawule otshe mapswi awa, Sawule a to khene: Ina dipswi dako diya mwanangu Dhavhidha kani? Sekoko Sawule a to guleta dipswi e dila.

2 Vafumeli 10:15

Se Jehu a ti khukhile ngu hale, a to mana Jonadhabhe, mwana Rekabhi, a txi tela ku ta wonana nayo, a to mlosa, a txi khene: Ina mbilu yako njinene, ku nga mbilu yangu, i ku yinene ka mbilu yako kani? Se Jonadhabhe a to khene: Njinene. Sekoko Jehu a to khene ngako i di yinene, ni ninge dianza dako! A to mninga dianza dakwe, se e kwela nayo amu ka txikotxikani.