1 Makronika 12:17 - Bhiblia Yo Sawuleka

¹⁷ Se Dhavhidha a to huma eya womba-womba navo, a txi khene: Ngako anu mi txi ta kwangu ngu kudikha ku ta ni vhuna, mbilu yangu yi na ti pata ni nanu; kambe ngako mi txi lava ku ta ni ningela ka valala vangu, ni sa onha txilo ngu manza angu, Txizimu txa vatate vathu txi na ti wone, txi lamula.

1 Makronika 12:17 Referans Kwoze

Judha 1:9

Kambe ngelozi ya hombe Migeli, mbimo yi a nga txi kanetisana ni Sathani ngu mhaka ya txirumbi txa Mosi, kha tsana kuwomba dipswi da kumruka, aniko a to gwitela kuwomba, a txi khene: “Mkoma a na ku kawuke!”

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

1 Vakorinto 1:10

Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

Mithumo 4:32

Msengeletano wa makholwa wu ti ni mbilu yimweyo ni moya wumwewo. Ku ti si nga ho ni wammweyo wa kupimisa ti to si lumba ene ekha, asi a nga ti naso; aniko hagari kwawe, sotshe i ti sa votshelele.

Zakariya 3:2

Aniko Mkoma a to khene ka Sathani: Mkoma wa kukawuka awe Sathani, ina, Mkoma, wu a nga sawula Jerusalema, wa kukawuka; ina hi nga txisoso txo thaviswa ha mndiloni kani?

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Masalmo 86:11

Ni gondise, Mkoma, nzila yako, kasiku ni yi londisa ngu yotshe mbilu. Maha ti to mbilu yangu yi dhumisa ditina dako.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

2 Vafumeli 10:15

Se Jehu a ti khukhile ngu hale, a to mana Jonadhabhe, mwana Rekabhi, a txi tela ku ta wonana nayo, a to mlosa, a txi khene: Ina mbilu yako njinene, ku nga mbilu yangu, i ku yinene ka mbilu yako kani? Se Jonadhabhe a to khene: Njinene. Sekoko Jehu a to khene ngako i di yinene, ni ninge dianza dako! A to mninga dianza dakwe, se e kwela nayo amu ka txikotxikani.

2 Vafumeli 9:22

Se mbimo yile Joramu a nga wona Jehu, a to khene: Ina ku ni kuthutha kani Jehu kani? Se ene a nje khene: Ngu thutha muni na kuve wugelegele wa mwamwako Jezabheli ni maloyi akwe nzingi kani?

1 Vafumeli 2:13

Sekoko Adhoniya, mwana Hagiti, a to ta ka Bhate-Xebha, mame wa Solomoni; a txi khene: “Ina ma telo a kuthutha oneyo kani?” Se ene a nje khene: “Nja kuthutha.”

1 Samuwele 18:3

Se Jonatani ni Dhavhidha va to maha txitumelelano, nguko Jonatani a ti ti mranda ku nga ti ene a ti randisako tona.

1 Samuwele 18:1

Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene.

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

1 Makronika 12:16

Vanana vokari va ka Bhenjamini ni va ka Judha, ni vona va toya mkhokholani ka Dhavhidha.

1 Makronika 12:18

Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.