1 Makronika 11:8 - Bhiblia Yo Sawuleka

⁸ Se a to aka didhoropa ka madhawa otshe, kukhukhela Milo kala a txi di ranganyeta; kambe Jowabhi a to longisa mule ku nga sala.

1 Makronika 11:8 Referans Kwoze

Nehemiya 4:2

Se a to womba masoni ka vanawe, ni ka dibutho da yimbi da Samariya, a txi khene: Va maha txani Vajudha va vo pwata mtamo kani? Va nga tumelelwa tona eto kani? Va na maha mhamba kani? Ina va heta kuaka ngu ditshiku dimwedo kani? Ina va na wusa amu ka simbwindinga sa lithulu, marigwi ale ma nga hiswa kani?

2 Vafumeli 12:20

Se sithumi sa Jowasi si to khukha si txi m'wukela, va to m'dya nyumbani ka Milo, ka nzila yi yi ngirimelako yi txiya Sila.

1 Vafumeli 11:27

Ngu yona mhaka yiya yi nga mmaha e guleta dianza e wukela mfumeli: Solomoni a ti akile Milo, se e tsivetela maphosongo a Didhoropa da tate wakwe Dhavhidha.

1 Vafumeli 9:15

Mfumeli Solomoni a vekile mhaka ya resa, kasi kuaka Nyumba ya Mkoma, ni nyumba yakwe ene, ni Milo, ni diguma da Jerusalema, kumweko ni Hazori ni Megidhu, ni Gezeri.

Valamuli 9:20

Aniko, ngako i si nga tona, wu na hume mndilo wa Abhimeleki wu txi hisa vathu va Sikemi, ni va nyumba ya Milo; wu na hume mndilo ngu ka vathu va Sikemi ni ka nyumba ya Milo, wu txi hisa Abhimeleki!”

Valamuli 9:6

Sekoko votshe vavamna va i ku sivelekwa sa Sikemi, ni yotshe nyumba ya ka Bheti-Milo, va to sengeletana ve simeka Abhimeleki, e maha mfumeli wawe, hafuhi ka mkusu wu wu ku Sikemi.

1 Makronika 11:7

Dhavhidha a to zumba mkhokholani, e wu dhana ku Didhoropa da Dhavhidha.

1 Makronika 11:9

Dhavhidha a to ya masoni ngu kuengetekelana ni kukula, nguko Mkoma wa Mabutho a Tiyimbi a ti kumweko nayo.